Pagine

Clique para entrar

terça-feira, 29 de dezembro de 2015

El Bon Princìpio, come l'era sti ani? (solche in talian)

Imagem da internet
Ciao a tuti ei amici del nostro blog, mi zera drio vardar ei bambini un di de questo e go ricordà el tempo che mi zera cièo. E zera drio ricordar soratuto el di de capodano, el di primo del ano, come che se féa.
Nantri el di 31 lassiava tuto parecià per el di drio, mal se dormiva a la note perche non se vedéa ora che vignesse suito el di per ndar. El di? Vui dir l'alba, perché ben prima de vegner el sol nantri zera belche per le strade, contenti come naroti zóvani, drio ciacolar em alta oze desminsiando ei visini, mal se vedéa per caminar, e come son nato in campagna ghin'giera posti de boschi scuri che se vedéa manco ancora, alora su pai baranchi, dele volte se spachéa le savate se sporchéa tuto ma se zera contenti.
De lontan co se vedéa una casa se scominsiéa osar. "Feliz ano novo!, Feliz ano novo!", vignéa fora ei paroni dea casa mesi depetenai, ncora drio nsoniarse con una sbranca de dolsi. Ah ei dolsi... E che boni, zera... Un miràculo quando se ciapéa un "Bombom", lera le balete, bolasse fate a casa, una feta de "cuca".
Per le strade se trovéa ai altri grupeti de tosi e tose che ndéa anca lori contenti, e ghin zera anca dei pi grandi squasi boni da maridarse. Me sorela pi vècia ghe raconta che un giorno la ga ndata dire el "Feliz Ano Novo" nte una casa che gavéa un per de tosi anca grande come ela, alora quando la ga osà "Feliz ano novo!" ei ze vignesti fora ei ga ciapà un tosato e voléa meterlo rento la borseta.

Al meso di se rivéa casa cansi, rossi come ei pomodori, ma contenti, con le borsete de sucro bianco o furse de riso pien de dolsi.
 E ti? Te ghe fato anca de queste? Te ricordi qualche stòrie de buon princìpio? Raconta qui per nantri nel posto li soto dei comenti. ndemo ricordar questi boni tempi....

Por: Jaciano Eccher

4 comentários :

  1. E ghin'giera anca le casa che se piaséa de pi ancora de ndar perché se savéa che la sicuramente se guadagnéa qualche schei. Un strucon a tuti ei amici.

    ResponderExcluir
  2. Mi me ricordo de un di che go guadagnà un per de schei, ma zera pròprio tanto per una tosa, guidéa che el omo ga sbaglià le foie del dinaro de sono che el gavéa. E mi contenta ndea casa con quel dinaro.

    ResponderExcluir
  3. Meu nome é Janete, não sei escrever italiano, falar um pouco mas entender eu entendo, me identifiquei com este texto.Também nasci na roça e nós tinha uma turma de umas 3 meninas e uns 5 meninos, saíamos sempre muito cedo ansiosos, e muitas vezes apostávamos para ver quem ganharia mais doces, bons tempos que não voltam mais.

    ResponderExcluir
  4. son luigi da 'LEGNAGO PROVINCIA DE' VERONA le' on piaser sentir che parle' la nostra lengua e' le' nostre tradisio ve 'auguro on bon ano novo......luigi marchiori......

    ResponderExcluir

Gostou?Comente aqui e se possível inscreva-se.