Pagine

Clique para entrar

quarta-feira, 21 de dezembro de 2016

I atresi dei vèci - Ernani Fazolo

Tra le tante robe que i Taliani li gavéa in cantina, atresi (feramentas) par far i so afari tuti ì dì, spotacieti che la nona la metéa via par bisogna de doperar, le stivai del nono, un per de suchete vècie, le ceole ntele pìche – la mama brontolava quando se ndéa tor ceole e se féa i dispetosi parché se ciapéa le ceole del meso e nò n’tel scomìnssio dea pìca, garafoni e botìlie de viero pieni e vodi, i ossocòi picai sù de na banda, i salami, el brondo e anca le bote par meter via el vin e l’azéo non ghe podea mancar. Sora el sataron insieme là parede dea casa, el nono gà piantà su tanti ciodi par picar su le feramente che'l doperéa de pì, el martel e i ciodi, el segoto, el scaiarol, el taia fero, la pua, la tanàia, el tràpano. De na banda, gàvea anca i atresi che l’fea le bote, par spiegar meio, la sapeta, la scaiarola, la rafeta, el zegnaor (anca ciamà de enaor o anca sguba)per far zénhe nele bote e una segheta par segar el fondo tondo. N’tel sataron in medo a la cantina, stea um posto tra le tole del soalho dea casa e el sataron, n’dove l’nono postéa i ganceti (anzois), scóe, maneghi par via de qual che dun vegner a spacarse e la banca de scaiar le tole de legno che'l doperéa anca par far su le bote de vin. Parlemo adesso, dei atresi par far le bote, que se se vede tei ritrati soto. Tute quei atresi, gò ciapa ntela cantina del nono, con tempo e lavoro le gò pareciài su par meterle via.




Le sapete l’era doperada par limpar el carbon dopo de le tole èsser scaldade par via de stòrderle e far a pansa dea bote. Dopereva anca par taiar el pì grossolan e qual che acabamento grosso.



La scaiarola co la base tonda, in mesaluna – convessa - el nono l’scaiéa le tole rento a le bote, par via de dassarle tute compagne e pì bele.



La raféta l’era doparada ntel le due bande dea bote, par far la marcassion cuel ciòdo tuto a torno par rento ndove se dovea far la zénha – pìcola canaleta par incassar i fondi – una per banda.



El zenaor, com due seghete paralele in mesaluna – convesse - te na banda, insieme col scarpel. Dopo mesurada e fata la marcassion com la raféta, i segava com questo mestier sora la riga tuto a torno e dopo col scarpel se verdéa la zénha.

Sora tuto, voglio ringrassiar al nono Casemiro chel me gà spiegà e me gà dato ei soi atresi par pareciarle e meterle via, anca ai mei genitori Laudair e Aquesires par le so spiegassione e auguriar Jaciano per la oportunità chel me ga dato, par l’so belo lavoro de menar avanti el nostro Talian e par tute le volte che el me gà giutà sora la Léngoa Talian.

Un strucon!

Ernani Luiz Fazolo

Um comentário :

Gostou?Comente aqui e se possível inscreva-se.