Pagine

Clique para entrar

sexta-feira, 24 de fevereiro de 2017

La Ràcola: Come se la dopereva in ciesa n’tela Pàscoa

La ràcola pochi giovani ì cognosse! E quei che a cognosse, tanti, ì pensa che la sìa solche par sbrindolar o far bacan. In verità pol èssere doperada par questo fine anca, però, parlo adesso sora quando se la dopereva in ciesa n’tela Pàscoa. De qua avanti, chi me ga racontà e spiegà l’stato mio grando amico Talian Claudemir Pedruzzi, alora lu el parleva e mi scriveva.

Quando riveva la setimana dea Pàscoa n’tel zóbia santo a matina, le diese se soneva sìnque o sèi bote n’tela campana dea ciesa e dopo ì lighea la campana, parché sonarla feva massa bordel, che de quela hora avanti i diseva che l'signor scominsiea la tribulassion, la so passion ntel horto deì getsémani e no se polea pi sonar la campana parché la feva massa bordel, alora se soneva le ràcole. A le tre dal pomerìgio, se soneva tre volte la racola vanti de ndar rento in ciesa, che se feva la celebrassion da l’ùltima sena de Gesù.

N’tel vendre santo a matina se pregheva la via sacra (via crucie) e alora vanti scomìnsiar sta selebrassion se soneva tre(3) volte con la ràcola. Questi tre segni,, èrano sonati con tre ràcole tute insieme, due, uno per banda n’tel campanin, avanti o de na banda dela ciesa e l’altro ( tante volte com uma ràcola pì granda) n’tela porta de la ciesa. Dopo mesdì, vanti l’ofìssio de la passion, i sonea ancora, ma lora sol una racola, quando se ndea rento in ciesa par la selebrassion dela passion del signor.

Al sabo santo de matina vanti a le diese, se soneva davanti a ciesa tre ràcole per dar l’ùltimo segno de la morte del signor, se feva na orassion in ciesa andove se pregheva ì “sete dolori dela Madona”, che l’era intanto che el signor l’era morto n’tel sepolcro. Dopo che se feniva la preghiera, le diese da matina dal sabo santo se soneva la campana, che ì diseva che l’era l’ora che el signor gavea ressussitato.
Ì picinini, insieme co le none o le mare e tuta la gente, se indeva n’te un fiume lavarse ì òcii e la fàcia par sveliarse fora de la morte e par vivere la vita de la ressureission dal signor.

Vólio ringrassiar el Talian Claudemir Pedruzzi che, el me ga giutà e spiegà sora la maniera che se dopereva la ràcola.
Un strucon!
Ernani Luiz Fazolo




Nenhum comentário:

Postar um comentário

Gostou?Comente aqui e se possível inscreva-se.