Pagine

Clique para entrar

quinta-feira, 28 de setembro de 2017

Cose de tosati - Per Ernani Fazolo

La vita in colònia la ze pròprio bela, bona e benedeta. Par quei che ì ze stati coloni ì sà cossa che son drio parlar. El giorno d'un
colono scomìnssia bonora, ancora vanti de spuntar el sol e
fenisse drio scurir. Tra ì afari, ì òmini gaveva ì soi, de pì in colònia
do che casa, e le done a casa, arquanti afari anca lore. Ì cèi, un
pochi de na banda e altri de quel'altra, giuteva anca lori.

 Quando le faméie e gaveva belche mìlio impiantà e che'l era pìcolo ancora
(medo metro de altessa), ì pianteva suche in medo par via de
catarle sù dopo, par le persone, anca par darghe a le bèstie e far
el bearon par ì porsei. Alora ì tosati ndeva insieme piantar ste
suche e ì giuteva anca lori. Cossa feva sti tosi? Invesse de piantar tute,
ì ciapeva le semense a sbrancade e ì buteva soto ì sassi, rento ì
busi dei tatu o anca in medo al mato par via de fenirle suito e
lavorar manco. Bruti dispetosi, mia vera?

Ma nò solche giutar, ì pìcoli ghe piaseva giugar anca, e altro dei
giòvani d'ancoi, no ì gaveva el telèfono de scarsele par zugar o
scriver. Ì genitori no ì compreva giugàtoli (la maioransa ì era
poareti). Alora, cossa feva ì cèi para giugar con ì fradei e amici?
Ghe tocheva far ì so giugàtoli, la maioransa con legno o cose che
che'l pupà e a mama no ì dopereva pì.
 Le tose feva e bàmbole
con'na boleta de foietin e tochi de roba. Ì tosi ghe piaseva far
pioni con ì caretei de fil quando lo feniva, far caretini par andar de
riva in do, s-ciopete con legno e anca far la fonda par copar
oseleti e far dispeti, dopo de ì dispeti fati ì ghe ciapea anca, nte'l
fil de'a polenta.
 Arquante altri giughi anca tra amici: giugheva
sasseti, scherseva co'l ciapa-ciapa o sconda-sconda e anca ghe
piaseva de giugar bola nte'l sabo o nte'la doménega.
Cossì ì giorni ndeva via uno drio l'altro e ì giòvani vegneva òmini e done, bravi, bei e felice!

Ernani L. Fazolo

Nenhum comentário:

Postar um comentário

Gostou?Comente aqui e se possível inscreva-se.