Pagine

Clique para entrar

RÁDIO AMICI DEL TALIAN NO AR

terça-feira, 26 de fevereiro de 2019

El Giorno Nassional de’l Imigrante Italiano – 21 de febràio

La lege 11.687 de 2 de giugno de l’ano 2008 ga regolamentà el giorno 21 de
febràio par el Giorno Nassional del Imigrante Italiano. La scielta del giorno
lè in omàgio al arivo de 380 faméie Italiane al Brasile ntel ano de 1874.

Ancoi almanco 15%, o sia, pi o manco 25 milioni de persone del suo pòpolo
el ga orìgine Italiane e cossì, el Brasile porta el tìtolo del paese con el pi
grando nùmero de dessendenti de Italiani del mondo. Dei 25 milioni, darente
200 mila i ga la dopia citadinansa. La pi granda consentrassion de Taliani ze
ntèe region sud e sud-est. El stato che in proporsion (e nò in nùmero de
persone) ga de pi Taliani ze el stato del Espírito Santo, ndove 65% de tuta
la so gente i ze dessendenti de Italiani, dopo, vien el Stato del Rio Grande
do Sul, Santa Catarina, São Paulo e Paraná. Al Brasile, i Italiani, e dopo i soi
dessendenti ga giutà a svilupar i paeseli con la so bravura e sapiénsia, però
sora tuto a slevar la bandiera del onor, par la so gente che a ze stata in Itàlia
e anca ai soi fioi e nipoti, par via che fin al giorno d"ancoi magnemo polenta e
salami, bevemo vin, giughemo la brìscola, el quatrìlio e la mora, femo la
dressa, cantemo le sonade che i nostri noni, bisnoni e altri noni i canteva dela
stessa maniera, e, el pi importante, parlemo la Léngua Talian, ricognossesta
come patrimònio imateriale e culturale del Brasile, e meio de tuto, la prima
de l'Amèrica del Sud e fin ndove sò mi, del mondo, de orìgine Italiana fora
del suo paese de nàssita. Cari Taliani, auguri a tuti noantri che gavemo ntele
vene el sàngue vegnesto de l’atra banda de’l mare.

Orìgine dele informassione: Rádio Senado.
Notìssia fata par Thiago Melo, in 21/02/2017.
Tradussion e edission par el Talian: Ernani L. Fazolo

Disponìbile in portoghese qua!

Nenhum comentário:

Postar um comentário

Gostou?Comente aqui e se possível inscreva-se.

txt

google.com, pub-2838464224155337, DIRECT, f08c47fec0942fa0