Pagine

Clique no Player abaixo para parar a Rádio / Struca par fermar la ràdio

Clique para informações / Struca par informasion

terça-feira, 28 de abril de 2020

Una stòria de vegner su un sgrisolon

Prima de contarghe la me stòria vui dirghe a voialtri che se voaltri ghe piasé de questo tipo de stòria qua alora spuncia qua e sèlie n'altra par leser. Adesso ndemo a la stòria de incoi...

Sti ani fra una cantada e n'altra intanto se fea filò sempre vegnea fora una stòria de vegner su i sgrisoloni, vegner pel de oca, far fastìgio.
Ricordo che une dela stòrie che i compari dei miei genitori i ghe raconteva e disea che l'era pròprio vera era cossì.
Sti compari de nome Norberto e Ires Silveira i ga ndato far filò ntela casa dei miei noni Jordano e Ègide Eccher. Dopo de gaver cantà, giugar la brìscola o quatrilho e anca sicuramente magnar e bever ga rivà ora de ndar casa.
Chi conosse el posto de dove mi son drio racontar i sa che in meso a la strada ga un bosco cossì grando de tanti chilómetri de longhessa. Prima se scomìnsia ndar in zo, sempre in zo e sempre con scapoere e boschi dele due bande da strada. E dopo che se finisse de ndar in zo ga un fiumenel (riozinho, uma sanga como a gente costuma dizer no RS) e dopo del fiuminel se scomìnsia ndar in su e el bosco el diventa piu scur ancora.
Sucede che in questo posto le sempre scur, gnanca che sìpia giorno de ciel ciaro, maginarse in una note sensa luna.
Ma ritornando a la stòria adesso che ve go spiegà un poco de questo posto. Norberto e Iris con so fioleto Normèlio de 6 ani de età i zera drio passarghe su'l pintesel (pinguela) de quel fiumenel quando i ga sentisto un osamento que non era de questo mondo. un'spèssie de gémito de dolor. Ma zera una spèssie de lamentassion de murmùrio ombreloso.
Ga passà un àtimo de tempo che par lori due ga diventà un'eternità. I se ga solo vardadi uno a l'altro e Norberto ga ciapà el toseto in brassi e i se taca corer de riva in su intanto i gavea gambe dassando questo suon spaventoso se sparindo nel scur de quela note negra come carbon.
I se ga fermà de corer sol quando i ze rivadi casa giale come candele, alora i se ga fato coràio de cambiar le prime parole.
- Te ghe ascoltà quelo che go sentisto mi?
- Si che lo go. E me ga vignesto fora un sgrisolon.
- Ma non ze stato un sogno?
- Sogno? Noantri due gavemo ascoltà!!!

El tempo el ga passà e fin incoi non se sà cosa ga sucesso ma sicuramente almanco ga diventà una dele tantìssime stòrie che zera racontade ntel filò e cossì come quel gémito doloroso se ga perso in meso al scur anca queste stòrie semo drio perder ensieme co'i filò che a ogni ano che passa de pi i se sparisse e se fenisse.

Nenhum comentário:

Postar um comentário

Gostou?Comente aqui e se possível inscreva-se.