Pagine

Clique no Player abaixo para parar a Rádio / Struca par fermar la ràdio

Clique para informações / Struca par informasion

sexta-feira, 2 de julho de 2021

Faustino e so Careta - Ademar Lizot

 Ascolta la stòria strucando soto:


   


                     


 Faustino e so Careta  (Per Ademar Lizot)

  In questo relato del nostro Brasil Talian, raconto un s-ciantin dela stòria de Faustino e so careta.

    Sempre che sguardo una vècia careta in rovina drio sderfarse, ricordo de quel tempo in che i camignoni i zera scarsi come l`é mosche bianche e, el transporto de mercansie l`éra fato par carete tirade par mule e cavai, par sora de stradete fate a picon. Alora ricordo de Faustino Capelari, che par de pi de trenta ani el ga caretià  e, del val del fiume Taquari ai campi de Soledade, tantìssime carghe el ga menà, sempre co l`entrega giusta, come el gavea tratà.  Par sora dela careta el ga invesià e, gnanca sentindo el peso dela età el se ga fermà, parchè el fea quel ofìssio con gusto e piaser. El gavea i piè sfesadi de tanto ntela brina pestar e, òcii strachi de tanti orisonti quel gavea sguardà. Ntela so simplicità  squasi gnancaun vìssio el gavea, la ùnica roba che ghe piasea, l`era  sìgaro paiero fumar, un tochetin de fun mastegar e par tera s-ciupar.   

    Al primo canto del gal, el disea a so fioleto;...’-Nene, su del leto, vien iutarme ciapàr l`é bèstie par mèteli soto l`careta che ancoi ndemo con destin a Soledade.’ Un s-ciantin vanti el meso di i rivea a la metà del camin e, i se fermea par magnar el merendin; pan con salame e un bicier de vin e, dopo de darghe aqua e milio a le bèstie i seghia el viaio, cadensià par el passeto de cinque mule e due cavai. Bèstie tratade a caprìssio, che formea un belo congiunto de forsa e resistensa, che nò ga mai negà na pestada.  

   L`é stà ntel ritorno de`n viaio quel ga catà el so destin final,  l`note caschea a pian e, el vècio Faustino vignea sèrio co`l pensiero perso alontan,  sensa saver che na s-cianta prima de rivar casa, come una roda de careta che se spacà, el suo cuor de potrìlio se ga fermà, quando un ataco fulminante lo ga copà. El ga restà sentà ntela bancheta co l`é rèdene ancora sicure nte le mam, alora l`é bèstie con so instinto primitivo, sensa nissun guiarli i  lo ga menà casa, ntel  viaio definitivo.   

  Dopo ga vignesto el progresso, camignoni, asfalto e, di`ancoi l`vècia careta la ze solche una legenda de`n tempo de dificultà e braura e, l`é par quelo che sempre che sguardo qualcheuna in rovina drio sderfarse, tanta saudade me vien de quando zera tosatel e scoltea par ària el scricon dela careta e, el osamento dei  bravi condutori, un tempo bon che nò ritorna mai più.

Ademar Lizot.                                                               


Nenhum comentário:

Postar um comentário

Gostou?Comente aqui e se possível inscreva-se.