Pagine

Clique para entrar

terça-feira, 15 de novembro de 2016

La passion del Nandon - Storieta in talian

Se te ghe una stòria in talian e vui che metemo qua nel blog come ga fato el amico Ademar Lizot, pol mandare per el email: italianiinbrasile@hotmail.com

Spùncia qua per veder nantra stòria che lu ga mandà per nantri.


La passion del Nandon

Linha Bonita, città de Dr. Ricardo, l`é el paeselo dei noni Umberto Lisot e Carolina Lamfredi. L`é un paeselo bello compagno deo paradiso. Questa stória che ghe scrivo adesso, nó ze na busia, l`é una veritá che mio pupà Toni e nostro zio Bibi í gà visto con so òci.

In quei ani che í zera joveni, ani trenta del sècolo pasà, el vizin piu darente dea casa del nono, zera la vécia Adele (Adelaide) e suo fiol Fernando. Í ghe chamea “ Nandon” , parche l`era grando e grosso. Lu e so madre í zera due àneme inocente e la in casa del nono tutti lo volea ben e anca Lori í volea tanto ben al nono e la nona, el nono zera el so santo e la nona la so santa. Tutavia poareto el Nandon el zera meso matussel e com scarso giudìssio ntei sarvei. Má anca el gávea tanta forsa ntei brassi , so lavoro l`era ribaltar mato con la manera e segar piante con el segoto de man. Quando í copea qualche béstia lera lu che tirea avanti la carniassion. L`era anca meso cativo, ma anca el gavea el cuore pien de bontà. Al sabo de notte con so man piene de calosità, el fea sonar el bandónio e sempre bellisima la mùsica.

L´emossion l´è piu forte che a rason e el Nandon poareto se gá passioná par una tosa, nostra zia Francesca (Tiesca) el volea tanto ben a sta tosa e ela par disgràssia no lo volea gnanca pinta de oro. L`era una tosata bèlla. Tutavia nò la gávea ancora età per morosar. Alora me pupà e fradei, sol par rider, í gà fato capir al Nandon per domandarghe al nono permesso per morosar la Francesca e que el nono gávea de darghe la benedission.

Co l`anima piena de speransa el gà andato parlar con el nono... - -“Copermesso nono, e bona sera. Mi volea domandarve el vostro permesso..., se son degno...parché mi me piase el rispeto e el permesso dei genitori per morosar la Tiesca, parché ghe sicuro che me piase tanto sta tosa.

El nono Umberto lera el piú furbo de tutti e el gà visto che í volea tiralo in giro par dopo rider. El gà dito..., “-Brao, brao, Nandon, mi piase sentirte parlar cossita e, par quel che me toca a mi, saria anca contento. Varda questa sta tosa la me aiuta ntea colônia, sapar, taiar formento, monzer Le vache, dopo a far el pan e tante altre cose e anca la ze tropo gióvene. Cosi la Tiesca nó la asso mia morosar. Ma no sta tristo, parche come te sé un tosato franco, se te voi ghenè qua la nona, che ze vécia e no la me gà piú doperamento.

El Nandon no´l savea piú cossa dir..., l´è robe de perder í sentimenti, dopo de un propòsito de questi, el gà fato fin í óci Rossi par piander e dopo de indenociarse el gà dito... -Nó, nó , per la Madona, la nona nó per che la ze la me santa.

Ademar Rocco Lizot.

Quer aprender falar e escrever Talian? Clique aqui para saber mais.

Nenhum comentário:

Postar um comentário

Gostou?Comente aqui e se possível inscreva-se.