Pagine

Clique para entrar

segunda-feira, 20 de março de 2017

Vin con àqua - Per Ademar Lizot

Questa stórieta me gà conta el nostro cusin Diversino.
Busia o verità chi che lo Sá?
Magari che`l ghe piase de quele grosse e de brusacampo, ghe piase, el ze de quele persone che ghenà sempre de calde, de fresche, de cote e de crude, magari l`é anca un cristian franco come un bocon de pan fresco e anca persona bonassa.

Na olta, el gà andato troar so compare, grando produtore de vin. Quando due compare Taliani í se cata, dopo che í ga finio de saludarse, í beve vin.

Alora el paron el ghe dise a so fiol..-“Nêne, presto zo in cantina, svèrde un garafon de vin, impienise due bicieri e meneli quà”!
Ga pasà sessanta secondi, due menute, sìnque menute, párea che`l ghe metea na eternità par menar questo vin.

- Nêne seto in dormensa, cosa seto drio far? Vien o nó í bicieri de vin?
- Pupà, go svèrto el garafon, ma ghenè quà un mistier che el vin nó vien fora.
- Porcocan dun matussel, menelo quà quelo garafon e presto.

Alora í ciapà el garafon e í vede che stropando el buso del garafon ghenè un pesse, “lambari” e che no´l vien fora gnanca rento. Nó ze mea robe de spaventarse?

Pesandoghe sora, nianca farse maraveia, nó ze mea impossíbele questo sussedesto, parvia che tanti quando í fea vin, co so ua e so siensa, par vender ai altri, í misturea un pochetin de àqua dea Fontana, alora sensa che í vedesse, qualche olta vignea insieme pesse pícoli, che dopo rento dele bote o del garafon, co í ingridiente dea ua, la so vitamina, í ga vignesto piú grandi, fin che el ga stropa el bocal del garafon.

Porca miséria, anca questa la ga tocada al nostro cusin Diversino.

Ademar R. Lizot



Nenhum comentário:

Postar um comentário

Gostou?Comente aqui e se possível inscreva-se.