Bèstioleta de stimassion - Ademar Lizot

La nona Amábile ga guadagnà de so fioi e nepotini una bestioleta de stimassion, par far compagnia ntea solitudini dea casa. Can e gati, la nona no vol mia rento dea so casa, alora í ghe dato una “catorita”, papagal-fémena, bela e furba che mai, che sa dir tante parole e che ga vignesto dea cità granda.

Che maravéia par la nona una bestioleta che parla. Bisogna insegnarla a dir sú l`é preghiere, alora si la nona saria contenta. No l`é mia vero?

Magari í se ga sbalia con quela bèstioleta, parché la ga imparà a discorer nela cità granda e la ga scoltà tante parole malissiose e brute, cosi de so beco vignea fora brute parolasse. La nona Amábile l`era na santa dona che no la podea scoltar na bestema, cosi quando la ga scoltà la “catorita” discórer, la ga squasi perso í sentimenti e co í oci rabiosi la ga dito:...”menela via questa bruta bèstia, sensavergogna, malissiosa e dispetosa”.

Òstregha! Adesso come far?

Alora so visina che la zera sempre in cesa, ga ricordà quel prete  Genaro gavea un papagal vècio e che savea discórer tute l´e preghiere, anca la messa in latin el prete lo ga insegnà a dir. L`era un vero fenómeno. Così í ga pensà...-Menemo la “catorita” insieme del papagal del prete, che lu ghe insegna dir l`é orassion, così no la parla mai piú quele parolasse.

Domenega de matina dopo dea messa, co la concordansa del prete, í ga metesto la “catorita in gàbia insieme del papagal. Alora l`é bestiolete se ga vardà par un s-ciantin e vanti quel papagal parlasse, la “catorita” sensavergogna e malissiosa ga dito:-“Varda che mi son una scroa, se te vol sparir, desmissiete che mi son qua.

El papagal povereto dopo de questa sensavergognansa, el se ga indenocià zo e co le ale in sú ga fato un osamento così strondoso, come se guadagnasse la cucagna, el ga dito:-“Gràssie al cielo, grassiamile a tuti santi par scoltar le mie preghiere de tanti ani, parché ancoi ga vignesto mia ricompensa”.


Ademar R. Lizot