Brasil Talian fa una donassion...

Gente!!! Con tristessa volemo dir che noantri del Sito Brasil talian semo desanimadi, triste perché lavoremo massa e le persone non riconosse, un lavoro faticoso, ma che bisogna esser fato. Pensando sora questo, semo stufi de tanto laorar e ndemo far la donassion te tute le nostre feramente (atresi) de laoro. Chi vol continuare a far el nostro laoro con tanto sforso come noantri gavemo fato bisogna che entra in contato con noantri ancora incoi perché el laoro bisogna che contìnua esser sendo fato.
Sol par dir, sìpia fredo, caldo, neve, brina, toca far el laoro stesso parché noantri sempre gavemo fato.
E pò.. Speta che faciamo una lista con tuti i nostri atresi per donassion e come se dopera...
.
.
.
.
.
.
.
.
.
.

1. Una sapa vècia: Se dopera per sapar el orto dea nona o anca in meso i fasoi se cava le rampeghine.
2. Un roncon co'l mànego spacà: Dopo de trucar el mànego te pol ndar ronconar le scapoere che ze belche drio ndar rento dela to casa.
3. Un segon sol con un mànego e che tàia poco: Questo se dopera per taiar piante, taiar legna per scaldar la casa nel inverno.
4. Un sestel de strope: Questo te pol ciapar par la vindima, ze più fàcile inpinirlo che meter la ua nele scàtole.
5. Una scoa: Questa ze par giutar la fémena scoar la casa e ntanto che te giute non te guaste luce davanti la television.
6. Una falseta anca ciamà de roncela, sésola o altri nomi: Questa se dopera par taiar formento, fasoi, e cossì te impari un pochetin a laorar e nò sol star sentà do ntela ombria