Tuti i òmini dovaria gaver un "baton" ensieme sempre. Come cossì?

terça-feira, 17 de outubro de 2017

Sti ani, le done no le ndeva a na festa se no le gavessse i lavri incarminadi. Anca fora par le colònie, co le ndeva in paese e le se meteva in pròsia, no mancheva mai el ‘baton’, un ornamento pròpio in moda.

A Nova Roma na tosata la se marideva e la ga invità so zia, par che la fusse so sàntola ntel matrimònio. Sta zia la steva distantoto, a Castroalve, e come la sia vegnesta a caval, la ze rivada in ritardo: i sposi i zera deromai drio ndar dentro in ciesa! La se varda nte’n specieto e la vede, spaventada, che la se gheva desmentegà d’incarminarse i lavri! La varda ntela borseta e’l baton no’l ghe ze! No la sà cossa far e la scomìnsia a pianzer! Alora se fa veder el vècio piovan, che’l zera in giro parché l’era un prete gióveno che comandeva la serimónia, e’l ghe domanda:
– Cosa gavio par pianzer cossita?
– Ah, sior prete, che desgràssia, me go desmentegà d’incarminarme i lavri e go assà el ‘baton’ a casa!
– Parquela no ocor pianzer, vien qua in canònica e tuto ndarà a posto!

Ela la lo varda, un tanto sospetosa, ma la ghe ze ndada adrio. In canònica el prete el verde na cassetina e’l tira fora un ‘baton’ de’n bel color rosso. – Eco, cara, finide tute le la tue tribolassion! E’l ghe dà el ‘baton’ in man.
Ela, contenta, la se lo passa svelta nte i lavri e, co la ghe lo dà indrio, la ghe domanda: – E vu, sior piovan, cossa feo con sto ‘baton’?
– Ah, cara, no ghe ze mèio remèdio che’l baton par le maroele?

Darcy Luzzato!

Nenhum comentário:

Postar um comentário

Gostou?Comente aqui e se possível inscreva-se.

Topo