Una nostalgia che me vien nel cuore ze i giorni de piova ndar rento del paiol ensieme con pupà, mama e i fradei scartossar e sgranar mìlio (gran turco). I grani del'stremità del bótolo (sabugo) se sgranea per i porsei e polastri e i grani del meso i zera quei boni per piantar.
Nei di de incoi se fusse piantar queste somense penso mi che i produceria mia. Non sò se la tera ga perso la forsa, el clima, i veleni ma tuto ga cambià. Se prima lera la sapa che lassava le piantassion sensa rampeghine, bidoni, forchete, petassàchi e altre peste incoi ze i veleni che finìsse fora tuto anca con i pessi, i animali, i boschi e tuta la natura. Ma incoi non son qua per lamentarme ma si per parlar de nostalgia.Nantra nostalgia che go zera ntei giorni de piova o sinò nele sera già cha a la casa dei me genitori non gavea la energia elètrica, e cossì gnanca la television, mi e i mei fradei se sedeva per ascoltar el pupà racontar storiete.
La vita la zera difarente, la gavea un gusto bon ascoltar tante stòrie del pupà nela fiaca luce dele candele o del feral. Stòrie del Sanguanel (curupira) dele anguane (bruxas da água) e tante altre.
Ze stato cossì che go ricevesto la educassion dei mei genitori e me go trasformà nel uomo che son incoi.
Por: Jaciano Eccher
Qua go trovà un bel inquinamneto del Portoghese nle Talian, la parola "mìlio".
ResponderExcluirLa xè portoghese, mentre en veneto el "mais" se ciama "sorgo".
Na lengua italiana, "miglio" xè, oltre che na misura (1,6 km), la xè na pianta che la fa si semense che se magna, ma la xè tuta diferente dal mais.