Paolo e Sabina Stradiotto, una còpia de taliani a la nostra casa

Ze stato una sorpresa, riconossimento per el nostro lavoro per la cultura taliana. Quando Paolo me ga ciamà per la prima volta nel Whatsapp e ga dito che voleva venir al Brasil e anca a la mia cità per conósserme gnanca go credesto a prinssìpio. Dopo el me ga ciamà già con un telefonin con nùmero brasilian e alora ze stato una emossion grande ricever due persone bonìssime a la nostra casa. Domando dopo qua in Corbélia-PR come che el me ga trovà sul'internet e el ga dito che la stòria zera lunga:
" - L'Itàlia ga mostrà una sèrie televisiva che racontea una stòria sucesso qua a Nova Bassano-RS. Alora go cercà nela internet "Nuova Bassano" ma non go trovà niente. Dopo go provà con "Nova Bassano e alora si ga vignesto fora un per de informassion fra un dialeto strànio ciamà "Talian". Alora son restà curioso sora questa léngoa e a ogni publicassion che vardavo el nome "Jaciano Eccher" in meso. Me ga vignesto una vòia grande de conosser el jaciano e anca questo talian. Dopo go savesto che lera la nostra vècia léngoa vénet."

Ze stato cossì che el me ga rispondesto a la mia domanda e per me ze stato motivo de tanta felicità saver che el laoro che son drio far qua ntel Brasil el ga una repercussion mondiale!

F