Ma che rassa ze questa?

L'è un pecà che el mondo el ze drio ndar par una strada scura, strània e piena de libertinà (difarente de libertà). Altro che sti ani indrio dove i òmeni i gavea onor de esser ciamà de òmeni. La doménica pareciarse par ndar a messa e dopo catar la morosa con la "brilhantina" ntei cavei, bei petenadi con le braghe a pantalone e anca i mostàcii ben taiadi.
El piaser zera èssere brai, forti, coragiosi e stimadi per i soi genitori e anca i pupà dea morosa, che caval o a pie i ghin fea arquanti chilómetri par catarla.
Me par che ntei giorni de incoi quanto de pi bauchi che i ze de pi i se stima e se cata bravi. Pori bauchi i ga pei ntel corpo ma el fasoleto el ze ancora ntel cul con la scusa dela parola. I sa mia che la vita nel tempo dei nostri noni i saria consideradi imbambìi sensa stima. Non sò se mi son massa vècio fora dei tempi o el mondo ze pròprio de gambe in su. E ti? Cosa pensi? Scrive qua ntei comentàrii!