Oh Fiol mio carìsimo - Fábio Dalló

Talian - Língua de imigrazione italiana in Brasile


Oh Fiol mio carìsimo, cosa sarà de ti a la Doménica de Olivo ?
- Oh Mama mia genetìssima, a la doménica de olivo sarò come un cavalier


Oh Fiol mio carìsimo, cosa sarà de ti al Luni Santo ?
- Oh Mama mia genetìssima, al luni santo sorò come un pelegrino che va a pelegrinare.


Oh Fiol mio carìsimo, cosa sarà de ti al Martedì Santo ?
 - Oh Mama genetìssima, al marti santo sarò come un agnèlo che va a la becaria.


Oh Fiol mio carìsimo, cosa sarà de ti al Mercoledì Santo ?
- Oh Mama mia genetìssima, al Mèrcole Santo sarò ligà su n'a colona con mila e siesento quaranta sie batitori.


Cosa sarà de ti el Zóbia Santo, oh Fiol mio carìsimo ?
- Al Zóbia Santo sarò su'l Monte del Calvàrio, oh Mama mia genetìssima!


Cosa sarà de ti al Vendre Santo, oh Fiol mio carìsimo ?
- Al Vendre Santo sarò su'l Santo Sepulcro, Oh Maria mia genetìssima,


Cosa sarà de ti al Sabo Santo, oh Fiol mio carìsimo ?
- Al Sabo Santo sarò come un grano de formento che nase sora la tera, oh Mama mia genetìssima,


Cosa sarà de ti a la Domenica di Pàscoa, oh Fiol mio carìsimo ?
- La Domenica de Pàscoa sarò el patrono dei cieli e dela tera, oh mama mia genetìssima!