Come zera la scola ani indrio

 

La nostra scàtola dei ricordi ze sempre piena de sentimenti boni e bruti. I sentimenti bruti sempre serchemo de smentegar ma i bèi ricordi i fa noantri zolar a ani indrio e reviver nantra volta quei bei momenti ùnichi dela vita.

Mi son sicuro che el tempo dela scola ze un tempo che noantri portemo un bel poco de sti ricordi. Ntel scola gavemo fato amicìssia, gavemo forsi cognossesto la prima passion, la prima moroseta, gavemo imparà cose che portemo fin incoi ntei nostri sarvei.

Alora parquesto che go fato sto vìdio parlando un poco del tempo dela scola. E intanto che scrivo ste parolete me ga vignesto in mente la ùltima mùsica che go fato che a mi piase tanto I dise che incoi ze mèio. In questa mùsica anca risgato un per de cose bone de sti ani.