La traversa dea nona - Fábio Dalló

quarta-feira, 24 de março de 2021

 LA TRAVERSA DEA NONA.

 
   

La prima utilitá dea traversa dea nona, zera non sbregar el vestito. Dopo, se doperea come guanti, par tirar le padele del fogon. Ma quando i putei piandea se sugava le làcrime e anca se netava la fàcia sporca. Se portava biava ntel punaro e ritornava con ovi e anca i piti intro. Quando se vardava gente stragna se doperea par nasconder i tosati. Se el tempo fea fredo, alora con la traversa se escaldava o furse se sventolava par impissar le bronse del fogon, ma quando zera caldo se sugava el sudor. Mio amico dino ambròsio i suoi fradei al meso el fango, fea la racolta del riso con la traversa. Quando che la impienia se butava intro el saco e scominsiea nantra volta el laoro.
   Era lí che portava le patate e la legna seca ntela cosina. Del orto, servia come un sestel par butar intro pomodori, panòcia, ségole, teghe, ma anca tante pomi che cascava per tera. Furse qualchedun meso smarso, ma par far dolse zera boni.
   E quando la nona vardava par la finestra che veniva gente, di suito con questa benedeta traversa la tocava de netar la tola e le careghe. E prima de brustolar e basnar el cafè,  se sventolava fora le scorse giugando su e zo con la traversa e sufiando.
   Passarà tanti ani prima de vegner fora un`altra roba de questa, che ze par tanta utilità; la traversa dea nona.

Nenhum comentário:

Postar um comentário

Gostou?Comente aqui e se possível inscreva-se.

Topo