Pagine

Clique no Player abaixo para parar a Rádio / Struca par fermar la ràdio

Clique para informações / Struca par informasion

sexta-feira, 17 de setembro de 2021

Due Dentini - Ademar Lizot

 Scarica sto àudio strucando qua.

Ascolta la stòria strucando soto:



                     


                                    Due Dentin

    La mia Santa mama che par nove mesi la me ga ritegnesto rento del suo ventre, una volta la me ga conta che quando zera picinin e me ga spontà i due primi dentin, la nona ghe  ga dito “- L`é ora de deslatar sto bambin e darghe polenta con late, che vanti de far el primo anin el ga de caminar e indurir l`culate”!  Pi tardi quando a me cognosser par gente go scominsià, alora mio pupà che tante cose el me ensegnà, el me ga dito;..’- Te ghe nassesto nte`n giorno primaveril del 57, ntel paeselo de Fighera Alta, visin ai campi de Soledade e, nò sta mai dementegarte che dela gente Vèneta Te se discendente,  la to noneta l`é fiola de Milanesi e, el  noneto de Bellunesi!’

   Con oto ani  de età a studiar me ga tocà. Alora la mama me ga ligà nel col el scapulàrio dela Madonina e, la me ga racomandà de obedir e rispetar l`professorina e, dopo che`l pupà ntela mia testa un capeleto el me ga postà, go partì montà nte`n cavalin, giusto par el mio tamagno,  un petisso, de pel tostado mèso castagno che gavea una stela bianca ntela testa e me portea a scola come se fusse a una festa.      

    Quando me ga scominsià a spontàr  mostàcii e barbin,  el pupà me ga dato el permesso par bever vin. Vanti dela prima sboconada,  co parole de sapiensa el me ga dito: “-D`ancoi in vanti te ghe el permesso, mà sta atento de beverlo co moderassion e rispeto, parchè el vin stesso del pan el ze un mistier Benedeto!”

     Quando gavea la età in che l`emossion l`é pi forte che l`rason, de soto dela ombria de`n pianton, go cognossesto una biondina, de viso rotondo e òcii de colombina, de mama  trentina e, pupà tedesco, bianco stesso late e co na stragranda stima par bira con patate. Ntela domènega che la go menada casa go dito:  “-Mama, la signora ga na visita, questa bela ragasina la se ciama Rita e, de ancoi in vanti, cara mameta, la ghe rispeta come vostra  noreta”

    De cavei Longhi e pien de contrarietà go partisto via soldà e, dopo de`n ano magnando fasoi, riso e carne fumegada, nò i ga pi me ciamà de gringo, parchè go perso el mio parlar co un forte acento Trentino. Alora a casa go ritornà, la mia biondina me ga desmentegà e, i tocheti del cuor me ga tocà de giuntar. Fin che nte`n giorno una sigagna de vestimenta bianca ga  lesto la mia man sanca che una tosa con òcii de una note de domènega gavea de esser la me femena. Alora nte quel s-ciantin me go entusiasmà  e, go desiso de partir in serca de mio destin. Ntel momento dela partensa, dopo de`n bàcio a l`mama el pupà cossi el ga parla:..”-Nó sta mai desmentegarte che un omo el mondo nò lo mena via, quando el ga fede in Dio e la fortuna de esser insieme de una sposa sinsera e coraiosa.”

E cossì finisso questo rilato,  sinò el vien massa longo e, anca parchè el tempo bon dela gioventù no`l ritorna mai più!

Ademar Lizot.

Nenhum comentário:

Postar um comentário

Gostou?Comente aqui e se possível inscreva-se.