El Permesso par Smorosar - Ademar Lizot

 Para baixar o áudio dessa postagem clique aqui

Para ouvir a narração na voz do próprio escritor, clique no player abaixo:

                                        

       Permesso par Smorosar

     Sti ani indrio quando el rispeto el zera un enti-consagrà, se cavea fora l`é mèio parole par domandar el permesso par smorosar.

    Ai genitori dela tosa se disea...

-Bona sera paron, bona sera parona!

-Son qua con tanto rispeto par domandarghe se son degno de smorosar vostra fiola, che  stimo e, voglio tanto ben.

  - Nò  son mia belo,  ma franco e sincero e, san come un palanco de angico ben piantato. De Bellunesi e Cremonesi son descendente e, oriundo de fameia bona, che ga alsa sù un prete e una monega!  Al ciarir del di salto su del leto, par far i laori svelto, varde qua che man piene de calossità!  Son paron de`n caval trotador e una giunta de bovini de bon valor e,  par vender al mercatin go galine, porchi e piegorin e, nte`n futuro pròssimo ga de far parte dela mia proprietà, un bosco che seghe el rieto e, un belíssimo prà. Giugo de carte e bòcie nò so mia gnanca cosa che sia, parchè caciassa e bodega  no me gusta mia, ma insieme del merendin, me piase de bever una sboconada de vin e, se nò so mia tanto furbo, ghe sicuro che  gnanca tanto baùco, parche so distingher el stúpido al parlar e el orbo quando le drio riposar.

  Alora el pupà dela tosa cossì rispondea...

-Brao, brao fiol, Me gusta sentirte cossì parlar e, cumplimenti par l`é to man piene de calossità. A mi anca me piase el laoro e el rispeto e, par questo voglio dirte che nostra fiola anca la ze de bona descendensa, de nono Trentino e nona Cremonesa.  A primavera la fà disdoto ani e  la sà  rimandare tuti tipi de pani.  La sà stimar el mèio vin e pareciar  pan nte`n s-ciantin e, fora de èsser sana e bela, la ze anca franca e sinsera e, se te gusta ndar a feste, Te sicuro che la ze de quele più discrete, parchè la vive sempre onesta e sensa bruti pensieri in testa.  Engani nò la sà mia cosa che sia, parchè ntel cuor falsità nò la ga mia.  La laora dela matina a sera e, quando vien sù l`tempesta la sà dir na preghiera.

  -Così che ze la nostra stimada fiola e, come go visto che Te se un giovenot franco e sincero, par quelo che toca a Mi e mia sposa, te ghe el permesso, ma Te racomando rispeto, parchè fiola dela nostra stima, par festa de furboni nò la serve mia.

-Gràssie Paron, tante gràssie Parona, par el vostro permesso e, de stimar e rispetar vostra cara fiola ghe prometo.  

E cossì se  finia quela ciàcola, del tempo del onor e del rispeto.

Ademar Lizot.