I nostri imigranti - Fábio Dalló

terça-feira, 22 de março de 2022

Par scaricar sto àudio clica qua
Par ascoltar el àudio clica soto.

I nostri imigranti - Fábio Dalló

Poareti dei nostri imigranti, lori gavea portà pochi atresi e tanto coraio, man peine di cali, pié par tera, soldi quase niente. La fede in Dio, questa si i gavea tanta. Manera, sapa, roncon, faldin, segon, martelo,  con o sensa mànego e gera so compagni. Quando i zera strachi o triste, bastava una cansion, se i zera maladi lori i fea na preghiera e forsi catea qualche foia par far la medissina. Quanto dolor Gesú mio, quanto dolor tochea suportar, parché dotor non se catea in medo al bosco, se moriva par un dente malà o una gamba spacada anca... Benedeti taliani imigranti.

    Vanti de piantar la prima semensa de biava, quanto tribular, quanti mesi taiando piante, dopo bore e dopo ancora tole par far casa, capanon. Arado ntela tera  e ancora aspetar vegner fora bona, par dopo far la racolta e impienir el derlo ntela schea, sgranar, masnar, meter nel brondo e magnar la poenta; pura. I ghe dise che in quel tempo de carestia, quei che gavea polenta tuto el di, i zera siori. Porsel, vache, moltoni, vedei, galine, óche, faraone; i primi imigranti lo ga comprà dopo tanti ani.

 La colassion, disnar e la sena, i magnea fruti del mato, radise, forsi una colombina che con la fionda ghe dava una sassada par coparla. I partia dal capanon bonora, sensa destin, par meso el bosco par vede cosa trovava par magnar. Col tamai(tràpola) ciapava qualche sorzo, copar la fame i gavea bisogno. Paura de bisse, bèstie e anca dei bùlgari, se pol dir che dopo de lotar in italia, anca qua se fea la so guera.

    Esser paroni dea so tera zera sempre una dele cose pi importante. Laorar la stimana intiera, dal scur dea matina fin al scur dea note, 7 di par stimana, 30 giorni par mese, ano dopo ano. Su pa i monti, do pa i vali, quanto che se ga picà par el col parché lontan dea madre Italia, lontan dei parenti, patindo quase che pedo, i ze diventà mati. E ancora i zera sepolidi fora del cimitero, parché quela olta, coparsi zera pecà. Me manca parole e me vien un gropo nela gola. Dio santo!

    So leto zera la tera o quando la fea con un poco de foie de scapoere, so cossini zera qualche sasso, querta zera el foco par scaldar. Primavera, istà, autono e inverno sempre cossì, di dopo di. 

Valtri podì pensar da questa vita de can ? O pensé che ze una stòria piena de busie ? Un conto par passar i tempi? Toca saver che ze la pura verità. Toca denociarse tute le note e pregar al Signor par tegner sta brava gente in paradiso, noantri semo felice e con la fàcia rossa par via del laori de lori.

    Ben! Nantro di posso racontar pi dea vita de questa brava gente. Un strucon e steme ben!

Fábio Dalló

   

Nenhum comentário:

Postar um comentário

Gostou?Comente aqui e se possível inscreva-se.

Topo