Le man de mia Madre (per Ademar Lizot)

sexta-feira, 6 de maio de 2022

Par scaricar el àudio clica qua.
 Par ascoltar la stòria clica soto:

/>

                                                          Le Man dela Mia Madre


   Mia caríssima madre ciamea Gigia e a tantissimi ani indrio la se ga tolta via insieme del Sior-Dio.

   La zera vecieta, ma la gavea le man più vècie che la so veciaia, man maltratade de tanto manesar el arado e storte de tanto doperar la sapa, man che quando ciapea la manera, le piante caschea zo par tera. Man che non gavea mai riposo, sempre drio i so afari, spacar legna e dele vache tirar el late. Man piene de calossità che gavea indurì come el asso consà, ntel laoro stufante dela colonia. Man che sentiva una caressia solche quando se giuntea par alsarse su nte`una sùplica e, nte quel s-ciantin de Santa zera le so man.

   Anca de àngeleto zera le so man, quando la portea el seston co`i bambini rento e, d`argento e oro quando la carissea i mei cavei, soratuto benedete quando la pareciea la polenta e impastea el pan.

   Le man dela mia madre, al saludar le  passea una sinsiera simpatia, parchè le zera man de chi  gavea forsa fìsica ntei bràssi e forsa moral ntel carater.  

   Le man dela mia madre de tanto lavar robe ntela àqua freda, le zera bianche e inrugade e, par soavisar quela soferansa tante volte la canteva a mesa vose vècie cansion, dela so gioventù e, quela freda aqua la zera una compagnia ntela so solitudine, che calmea i dolori, sofeghea i lamenti  e acetea so làgrime.

   Tantìssimi ani fà che le man benedete dela mia madre ga ricevesto el riposo che le se meriteva e, adesso ntei mei sogni  sguardo le so man, sensa rughe e sensa calossità, bianche e delicate come le man dela Madonina, alsade sù nte`una sùplica ntei giardini fioridi del paradiso.

    Benedete le man de mia Madre, benedete le man de tute le Madre!

Ademar Lizot.

                 As Mãos de Minha Mãe

 Minha querida mãe se chamava Luiza e, a muitos anos atrás partiu para ficar junto a Deus Nosso Senhor.

  Era velhinha, mas suas mãos eram mais velhas que sua velhice, mãos maltratadas de tanto manejar o arado e segurar a enxada, mãos que ao pegar no machado, até arvores caiam. Mãos que jamais tinham repouso, sempre a trabalhar, lenha a rachar e leite das vacas a tirar. Mãos cheias de calos, que haviam endurecido como aço temperado no cansativo trabalho da colônia que só sentiam uma carícia quando se uniam em uma prece e, naquele instante, de Santa eram suas mãos.

 De anjo era as mãos de minha mãe, quando levavam o cestão com as crianças dentro. De de prata e ouro eram suas mãos, quando acariciavam meus cabelos e abençoadas quando preparavam a polenta e o sagrado pão.

 Aas mãos de minha mãe, ao cumprimentar passavam uma sincera simpatia, pois eram mãos de quem tinha força física nos braços e força moral no caráter. As mãos de minha mãe de tanto lavar roupas na fria água, eram brancas e enrugadas e para acalmar aquele sofrimento, muitas vezes ela cantava antigas canções de sua juventude, então aquela  fria agua se tornava uma companhia, que acalmava dores, afogava  lamentos e recebia lágrimas.

 Tantos anos fazem, que as sagradas mãos de minha mãe, receberam seu merecido descanso e, agora em meus sonhos as vejo sem rugas e sem calos, brancas e delicadas como as de Nossa Senhora, unidas em uma prece, nos jardins floridos dos céus.

  Benditas as mãos de minha mãe, benditas as mãos de todas as mães!


Nenhum comentário:

Postar um comentário

Gostou?Comente aqui e se possível inscreva-se.

Topo