Òcii Celesti e Boni (Per Ademar Lizot)

sexta-feira, 17 de junho de 2022

Scarica el àudio clicando qua.

Ascolta la stòria clicando soto:

   Òcii Celesti e Boni

     De òcii celesti e boni el ga nassesto nte la casa dei noni e dela mama e del pupà, el nome Ventura el ga guadagnà.  De bambin, polenta con late l`éra el so merendin e insieme dei noni Umberto e Carolina, ndea a messa domènega de matina. Dela pipeta del nono, a scondion el ga proà molar par ària la so prima fumana, e dele l`é stòriete dela la nona, el ga imaginà  che la vita gavea de esser sempre bona.  

    Ntei splendidi ani cinquanta, i mèio del sècolo passà, quando la simplicità e el rispeto i zera consagrà, ntela cità de Arvoresina el ga ndato de star. Alora la morosa el ga conquistà e tanto bela la zera, che par smorosarla, de bissicleta el percorea 15 kilometri e gnanca ghe vignea sù i sudori.  Dopo ntel transcorso dei ani, ntel so viso, onestità e umiltà la vita ga scrito.            

    Adesso  otanta cinque el ga completà  e  un cristian del tempo antigo el ga daventà. De quei che dopo dela parola data, la daventa na lege scrita sù al ata. De quei che par un contrato firmare, basta  la man stretare. De quei che se và in serca par mèio capir el passà, parché nte in so mente, el ga tante stòrie presente. Stòrie che non passà mia sù i libri, stòrie de una gente  ùmile e silenciosa, che ga construito e sostegnado paesi e cità.  Adesso la saudade de so vita se ga imparonà e, solche nte la  solitudine dela matina,  incontra la felicità. Nte quela ora che fin el gal ancora riposa, quando tuto l`é cieto, a l`é  ànime dei antenati el parla ntel nostro armonioso dialeto. El ghe raconta  bele cose e anca vècie stòrie, de spaurante creature, del sanguanel e de  streghe che portea via tosatel e, se una làgrima ghe brusà i òcii, el so pensiero ritorna in plenitù a le note de luna piena che ga iluminà so gioventù. El ciusa i òcii e ghe par de caminar contente par una stradeta, verta par bèstie e gente, fin che`l ciaro dela matina la note scura  para via.

  Ademar Lizot.

                              Olhos Celestes e Bons

De olhos celestes e bons, nasceu na casa dos avós e, da mãe e do pai o nome de Ventura ganhou.  De pequenino, polenta com leite era seu lanchinho e junto dos avós Umberto e Carolina, ia a missa domingo de manhãzinha.  Do cachimbo do avô, soltou para o ar sua primeira fumada e das histórias da vovó, imaginou que a vida seria sempre boa.

Nos esplendidos anos cinquenta, os melhores do século passado, quando a simplicidade e o respeito eram consagrados, na cidade de Arvorezinha foi morar. Então conquistou a namorada e tanto bela era, que para visitá-la, veloz como um atleta, percorria 15 km de bicicleta. Depois no correr dos anos, simplicidade e honestidade a vida escreveu em seu rosto.

Agora oitenta e cinco completou e um homem do tempo antigo se tornou. É daqueles que depois da palavra dita, torna-se lei em ata escrita, que para firmar um contrato, basta a mão apertar e os olhos mirar. É daqueles que se busca para melhor entender o passado, pois em sua mente há tantas histórias presentes, histórias que não passam nos livros, histórias de uma humilde e silenciosa gente, que construiu e sustentou localidades e cidades. Agora a saudade de sua vida se apoderou, e somente na solidão da manhã encontra a felicidade, pois naquela hora em que até o galo ainda repousa, quanto tudo é quieto, fala com a alma dos antepassados, em seu harmonioso dialeto. Conta belas coisas, também velhas histórias de apavorantes criaturas, o lobisomem e a bruxa sem nenhuma belezura e, se uma lágrima lhe queima os olhos, seu pensamento retorna  em plenitude, ás noites belas de lua cheia, que iluminaram sua juventude, então, até que a luz da manhã expulsa a noite escura, caminha contente por uma estradinha aberta por bicho e gente.


Nenhum comentário:

Postar um comentário

Gostou?Comente aqui e se possível inscreva-se.

Topo