Dolce Memòrie - Trilha do filme La Cucagna de Giovana - Jaciano Echer

Para baixar o áudio dessa música, clique aqui.

Dolce Memòrie - Trilha do filme La Cucagna de Giovana - Jaciano Echer

Revisão: Juvenal dal Castel

A volte che me vedo a pensar
Me vien in cuor una malinconia
Parché in campagna a ani passai
La vita zera piena de alegria.

Ala matina col cantar dei gai
Ndea molder la nostra vacheta
Me mama pareciea la colassion
Piena de sogni ntel cuor, poareta.

Se zera di de far el mutiron
Ne ocorea sveliar pi bonora
La par la strada se feva sentir
Bele cantade che ricordo ancora.

Rit: In campanha se ndea cantando,
vivo ricordando, mai desmentegarò.
Ndovezeli adesso tuti i amici?
Quela gente felice che ndea far Filò?
In questi giorni co la note riveva
tuti i se pareceva l’era ora de ndar
coi ferai che s-ciariva la strada
quela talianada zera sempre a cantar.

El me fradel, con la so fionda in man,
ndea drio a i pori oseleti
E la me nona ntel forno fea pan
E anca dele bele colombete.

Se fusse fredo, intorno al fogon,
la ghera caldo e magnari boni
Salame con polenta brustolada
Formai, patate e tanti pignoni.

Sfortunamente questo l’è passà
Non se ga pi le carete cargade
Quei oseleti non li scolto pi
Gnaca la gente con bele cantade.

Rit: In campanha se ndea cantando,
vivo ricordando, mai desmentegarò.
Ndovezeli adesso tuti i amici?
Quela gente felice che ndea far Filò?
In questi giorni co la note rivea
tuti i se parecea l’era ora de ndar
coi ferai che s-ciariva la strada
quela talianada zera sempre a cantar.