El Ritorno - Ademar Lizot

Par scaricar el àudio, clica qua.

Par ascoltar la stòria, clica soto:

El Ritorno - Ademar Lizot

(Rilato fondamentà ntei ricordi de Ventura Lizot)
Autor: Ademar Lizot
Revision: Loremi Loregian Penkal e Juvenal Dal Castel



“- Sior Benedeto, ndove che semo vignesti a postar i ossi dela nostra bambina!”

Cossì i dissea i me genitori, quando, sensa gnanca una assistensa, ze morta la me sorelina. Zera el ano de 1942, el mondo el zera nantra volta in guera e, nte un pìcolo paeselo, perso ntele tere nove de Santa Catarina, zèrimo de star, ma un fià dopo de quel funesto colpo, gavemo vendesto la pìcola propietà, par al Rio Grande ritornar.

Nte quel triste ano, cìnque ani mi gaveo de età e, el viaio de ritorno el ze stato de tren, che, ntela stassion de Itapuí, par la prima volta lo go visto. Ai me spaventadi òcii de tosatel, el parea un drago, a molar, par soto, fumana bianca e, par sora, nera. Tacà su ale bombàcie del me pupà, ntel vagon go imbarcà e, quando me go visto rento, al longo dei coredori, fra le due file de banchi de legno, me parea fin un sogno.

El longo viaio el ga scominsià cole nùvole a cambiar bastonade, che fea s-ciocar falive de fogo, zera fin bel de veder, ma anca spaventoso e, quando ghè rivà la piova, par depì de na ora, no se gavea mai visto tanta àqua, una àqua rossa che la scorea par la ferovia, travessea i campi e inondea tuto. Però el tren mai el se fermea, se anca el ndea a pian, sirca de 30 chilòmetri ala ora, parea fin che svelto el ndea e, via e via, sempre molando fora quela fumana nera e mi, coi òcii colmi de coriosità, a osservar tuto, parché, par mi, tuto zera robe nove, tanto diverse del posto ndove zera vignesto.

Vardando fora par la finestrina, de una parte vedevo i boschi e, de altra, i campi col bestiame a pascolar, anca qualche ùmile casseta, cola fameia davanti, con una mùcia de fioleti, tuti scolsi, a far estri cole man, come se fusse na festa, parché passea el tren, povereti.

Maria Vèrgine, che longa che la zera la strada, parea fin che no se rivea pi e, solche ntel scurir, semo rivadi ntela divisa col stado de Santa Catarina, a Marcelino Ramos, e, intanto che ntela ponte de fer, par sora del Rio Uruguai, el tren el passava, i mei genitori i ga ringràssia al Sior Dio, par ritornar al so paeselo de nàssita. Anca mi go ringrassià par ritornar al paeselo dei noni, ala so bela casa, col giardin dela nona, el vignal del nono e la cantina piencolma de formaio, salame e vin. Coi zii e le zie, tute quele bele cose le me portea un parer de dolce infànsia.

La ferovia seguiva par i campi, sensa fil e sensa palanchi e, par tuta la note, el tren el corea. El fogo, ntela caldiera, con forsa el brusea e el alsea pi in su la fumana, tanto in su e, in meso a sto va e vien, butà zo ntel ventre dela mama, go riposà.

Zera matina bonora quando semo rivadi ala cità de Carazinho, ndove, al disbarcar, go visto tanta gente a rimirar sta granda màchina, movesta a fogo e vapor, e tuto quel senàrio, par mi, el zera un sogno, parché zera tanto, tanto strànio de veder ste robe.

Però, par rivar al nostro destin, ghe manchea ancora depì de cento chilòmetri, che i li gavemo fati ntela carossaria de un camignon meso marso, squasi drio sderfarse, movesto a gasosénio. Solche quando zera silénsio e note alta, finalmente semo rivadi ala casa dei noni, che la zera iluminada con un feral pi bel e pi ciaro che tute le stele.

O RETORNO

(Relato baseado nas lembranças de Ventura Lizot)

 

“- Meu Deus, onde viemos deixar os ossos de nossa filhinha!”

Assim diziam meus pais, quando, sem nenhuma assistência médica, morreu minha irmãzinha. Era o ano de 1942, o mundo estava de novo em guerra e morávamos em uma pequena localidade, perdida nas terras novas de Santa Catarina. Mas logo após aquele funesto acontecimento, meus pais venderam sua pequena propriedade e ao Rio Grande do Sul retornaram.

Naquele triste ano, eu tinha 5 anos de idade e a viagem de retorno foi de trem que, na estação de Itapuí, pela primeira vez o vi. Aos meus assustados olhos de criança, pareceu um grande dragão a expelir fumaça branca e preta e foi segurando nas bombachas do meu pai que no vagão embarquei e, ao me ver dentro, no corredor entre as duas fileiras de assentos, tudo me parecia um sonho.

Partimos embaixo de chuva, com as nuvens a trocar “canhonaços”, que faziam saltar chispas de fogo, era até bonito de se ver, mas apavorante e, por mais de hora, jamais tínhamos visto tanta água, uma água vermelha, que corria pela ferrovia, atravessava os campos e inundava tudo, mas o trem jamais parou, sempre expelindo aquela fumaça negra, até que mais rápido andou, e eu, com os olhos plenos de curiosidade, a observar tudo, pois tudo era novo para mim, tudo tão diferente.

Pela janelinha, via florestas, montes e campos, também alguma humilde casinha, com a família na frente, com os filhos todos descalços, gesticulando com as mãos, como a fazer festa, por ver o trem passar, pobrezinhos!

A estrada era longa, só ao escurecer chegamos na divisa dos estados, na cidade de Marcelino Ramos e, enquanto o trem na ponte ferroviária, sobre o Rio Uruguai corria, meus pais em oração agradeciam à Divina Providência, pelo retorno à sua terra natal.

Também agradeci por retornar para junto dos avós, na sua bela casa, com o jardim da vovó, o vinhal do vovô, com a cantina repleta de salames, vinhos e queijos, com os tios e tias, com todas aquelas coisas simples e boas, que me traziam a agradável sensação de doce infância.

A ferrovia seguia por campos sem arames e sem palanques e, por toda a noite, o trem andou. O fogo na caldeira com força ardia e a fumaça bem para o alto expelia. Naquele vai e vem nos trilhos do trem, acomodado no colo de minha mãe, adormeci.

Era de manhãzinha quando chegamos na cidade de Carazinho. Ao desembarcar, vimos muita gente a admirar o grande cavalo de aço, movido a fogo e vapor, que, para aquela gente humilde do interior, era considerado uma obra prima da engenharia mecânica. Todo aquele cenário para mim parecia um sonho, pois me era tão estranho.

Mas, para chegar ao nosso destino final, ainda faltavam mais de 100 Km, que os percorremos na carroceria de um caminhãozinho Ford, modelo 37, movido a gasogênio. Somente quando o silêncio e a noite estavam altos, finalmente chegamos à casa dos avós, onde um lampião, mais belo e mais luminoso que todas as estrelas, a iluminava.