EL MATRIMÒNIO DEL BALBO - Ademar Lizot

Clica qua par scaricar el àudio.

Par ascoltar la stòria, clica soto:

EL MATRIMÒNIO DEL BALBO

Autor: Ademar Lizot
Revision: Juvenal Dal Castel e Loremi Loregian-Penkal

Ritrato: IA/Jaciano Eccher



Dei rilati che go intaià ntel profondo dela memòria, un dei pi pressiosi ze el matrimònio de Ghilhermin e Vitória.

Se no me sbàlio, ze stà là par el ano 1953.

Ela, quando insieme dele pi bele, la zera una de lore. Alta, ben fata de corpo, lavri rossi come de na bambina e òcii che, conforme el riflesso dela luse, ora i tirea al castagno, ora al gialdo scuro.

Lu, pi basso che ela, forte, tipo armer de due porte e squasi completamente balbo, caraterìstica che, ancora de tosatel el portea, quando al magnar angùrie meso calde, el ga buo una congestion stomegal.

Ntela bela ciesa, consagrada a San Giovani Batista, par sora de una colina dela località de Fighera Alta, i se ga maridai.

Ela, tuta vestia de bianco, col velo ornà de rose gialde, la parea fin la madonina del Càrmine.

Lu, con na fatiota de un tessuto sìmile al lin, de barba, cavei e mostàcii ben taiadi, se pol dir che el fea na bela figura.

Dentro dela cieseta fra invitati e testimònie, ghe zera una trentena de persone. Sol la fidansata no la zera mia ancora rivada e la impassiensa del fidansato la se fea sentir par i sudori che i ghe corea do par el viso. Un pìcolo ritardo zera normal, ma quel giorno la futura sposa, la zera pròpio in ritardo. Però, quando i parenti, i pensea che, fursi, la gaveva desistio, con un bel massolin de fiori in man, al sonar dela màrcia nossial, la ze rivada.

Davanti del altar, i fidansati i se ga postai e, quando el prete, dopo dela pìcola prèdica, el ga pronunsià al fidansato la clàssica frase:

- Voleo, vu, acetar come vostra legìtima sposa la qua presente Vitória?

Lu, che el gaveva de risponder semplissemente “si”, no el ze stà mia bon. Par via dela so balbessa, el stordea i lavri, ntel disperà desidèrio de dir “SI”, ma ghe vignea fora sol “SSSS”. Fin Don Egídio, col movimento dei so lavri, el ga proà stimolarlo a dir quela pìcola parola, ma sensa ésito.



Ntela ciesa, se ga fato un profondo silénsio. No se ga sentisto gnanca una ridada e nissuni i lo ga tolto in giro, tuti rispetosamente atenti, come se i volesse iutarlo e, quando el catea che no ghera pi gnente da far, el suo pupà el se ga alsà su dela prima fila de banchi e in alta vose el ghe ga domandà:

- Ghilhermin, a ti te piàselo el vin?

Alora, come se no el gavesse pi qualche segno dela so balbessa, de colpo, in alta e ciara vose el ga rispondesto “SI” e el prete, svelto, i li ga dechiaradi marì e moier.

Dopo de na s-ciantina de tempo, chi pi intimamente i lo go cognossea, afirmea che al giorno dopo de maridà, no el ga mai pi balbetà.

- El ze stà un vero miràcolo! - I disea i basabanchi.

- Che miràcolo, che gnente, la ze stata la note de nosse che la lo ga fato star meio! – I afermea i omi.

(Questo rilato el ze fondamentà ntei ricordi de Ventura Lizot, mio caro fradel)

O CASAMENTO DO GAGO

Certa vez, acho que lá por 1953, Jacinto e Vitória se casaram.

Ela, quando junto das mais belas, era uma delas. Alta e bem feita de corpo, lábios vermelhos como de uma menina e olhos que, conforme o reflexo da luz, hora puxavam ao castanho, hora ao amarelo escuro.

Ele, mais baixo que ela, forte, tipo armário de duas portas e quase completamente gago, característica que trazia desde menino, resultado de uma congestão, causada por comilança de melancia meio quente.

A celebração do matrimônio foi na igrejinha de São Roque, no cimo de uma colina, na localidade de Figueira Alta.

Ela, toda vestida de branco, de véu enfeitado de rosas amarelas, até parecia a virgem do Carmo.

Ele, numa fatiota de um tecido similar ao linho, de cabelo, barba e bigode bem feitos, até demonstrava uma bela estica, apesar de seus modos desajeitados.

Entre convidados e testemunhas, havia umas 30 pessoas, todas esperando a chegada da noiva. Só o noivo estava impaciente com a demora, mas quando os parentes já estavam pensando que ela tinha desistido, então com um belo buquê de flores em mãos e ao som da marcha nupcial, chegou.

Em frente ao altar, emocionados, se posicionaram e, quando o padre dirigiu ao noivo a clássica frase:

- Aceita a aqui presente como legítima esposa?

Então, ele, que teria de responder simplesmente “sim”, não conseguiu. Devido a sua gagueira, só contorcia os lábios na busca desesperada de dizer “sim”, mas só lhe saia “SSSS”. Até Dom Egídio, com o movimento dos lábios, tentou estimulá-lo a dizer sim, mas sem êxito.

Se fez profundo silêncio, nenhuma rizada, nenhum deboche, todos na torcida por ele e, quando achavam que não havia mais nada a fazer, eis que da primeira fila de bancos, levantou-se seu pai, que em alta voz falou-lhe:

- Guilhermin, ti te piase el vin?

Então, como se não tivesse mais nenhum sinal de sua gagueira, prontamente respondeu um sonoro “Sim” e o padre rapidamente os declarou marido e mulher.

Depois de um tempo, quem mais intimamente o conhecia, afirmava que após casar, nunca mais gaguejou.

- É um verdadeiro milagre! - Diziam as mulheres.

- Que milagre, que nada, foi a noite de núpcias que o curou. - Afirmavam os homens.