Scomìnsia el inverno - Ademar Lizot

Clica qua par scaricar el àudio.
Par ascoltar el àudio, clica soto:

Scomìnsia el inverno

Scomìnsia el Inverno - Ademar Lizot
Del Libro Ricordi dei Nostri noni - Pag. 18
Revision: Loremi Loregian Penkal e Juvenal dal Castel.

Scomìnsia nantro inverno, i soi giorni fredi, i me fà ricordar de sti ani indrio, quando gavea poca età, ancora tacà sù le braghe del me pupà. In quel tempo, non se gavea mia tanto conforto, scarsi de robe e de querte sora el leto, solche el rispeto e la fradelansa scaldea el nostro peto. In quei giorni de piova e fredo, el pupà, par scaldarse, el bevea cafè con graspa e, par noantri, el disea par bever cafè con un s-ciantin de caciassa, che el fredo presto el ndea via. Dopo, sentadi in torno del fogolaro, intanto che la Nona la fea el so scalda pie, la racontea vècie storiete del sanguanel e dele streghe che portea via tosatei.
Però, quel tempo indesmentegàbile no el ritorna mai pi e, adesso, i grisi giorni del inverno i me avelisse, parché el mormólio del vento che sùfia ingiassando le récie, el me par un sussuro ingiutio de malinconia, come el gèmito lamentoso dele ànime de tanti porigrami che i patisse, sensa gnanca un canton suo par riposar e scarsi de robe par difénderse del fredo inclemente. Magari, posso dir sensa paura che, ai di de ancoi, el fredo pi doloroso ze quel impiantà rento ntela ànima dela gente, el fredo del orgòlio, dela arogansa, dele parole de ruspeghessa e el fredo dei òcii rabiosi, sempre pronti par far del mal.
Eco, scomìnsia nantro inverno, del Uruguai vien la piova e la tempesta e, dela Argentina, el fredo e la brina, ma, gràssie a Dio, dela natura vien el legno, i pignoni e la ua. Alora, ndemo scaldarse in torno del fogolaro, par sentir che la felicità la ze fata de cose sémplisse, come magnar pignoni brustoladi su par la siapa e verder na botìlia de vin, par liberar la ànima dela ua, che la vien fora bela, dele vinìfera Cabernet, Merlot o Isabela. E quando la Luna, con so splendor d`argento, la scomìnsia a sbassarse ntel firmamento, de ringràssiar el Signor Dio, ze el momento, parché come disea el Nono:
— Se de note ferma el vento, diman matina, brina o na gelada piovesina.

Começa o Inverno

Começa outro inverno, seus dias frios, fazem-me recordar do passado, quando tinha pouca idade, ainda agarrado nas calças de meu pai. Naquele tempo, não se tinha muito conforto, poucas roupas e cobertas sobre o leito, somente o respeito e a fraternidade aqueciam nosso peito. Naqueles dias de chuva e frio, meu pai, para aquecer-se, bebia café com graspa e, para nós, sua orientação era a de beber café com um pouquinho de cachaça, que o frio logo passava. Depois, sentados ao redor do fogão, enquanto a avó fazia seu escalda pés, contava velhas histórias do sanguanel (personagem mítico trazido juntamente com outras crenças pelos imigrantes) e das bruxas que roubavam os meninos.
No entanto, aquele tempo inesquecível não volta mais e, atualmente, os dias acinzentados do inverno angustiam-me, pois, o murmúrio do vento que assopra gelando as orelhas, é um sussurro mastigado de melancolia, assemelhando-se ao gemido lamentoso das pobres almas que sofrem, sem mesmo um canto para repousar e sem roupas quentes para aquecerem-se do frio inclemente. Todavia, posso dizer sem nenhum receio, que nos dias de hoje, o frio mais doloroso é o que encontra-se na alma dos homens, o frio do orgulho, da arrogância, das palavras ásperas e o frio dos olhos raivosos, sempre prontos para agredirem.
Eis que inicia outro inverno, do Uruguai vem a chuva e a tempestade e da Argentina o frio e a geada, mas, graças a Deus, a natureza oferece a lenha, os pinhões e a uva. Então, vamos nos aquecer em torno do fogão, para sentir que a felicidade é feita de coisas simples, como comer pinhão sapecado na chapa e abrir uma garrafa de vinho, para liberar a alma da uva, que desperta bela, das viníferas Cabernet, Merlot ou Isabela. Quando a lua, com seu esplendor prateado, começa a cair no firmamento, de agradecer a Deus, é o momento, pois como dizia o avô:
— Se de noite parar o vento, amanhã cedo, geada ou chuva gelada.