PRESIDENTE PARTIGIANO - Ademar Lizot

Clica qua, par ascoltar/scaricar el àudio.

PRESIDENTE PARTIGIANO

Testo de Ademar Lizot
Narassion Jaciano Eccher

“Buongiorno Italia gli spaghetti al dente e, un partigiano come presidente.”

Cossì che dis, la prima rima dela seconda strofe dela formosa canson “L'Italiano”, del compositor Toto Cutugno.

Mi, dopo de scoltar par tantìssime volte la incantadora melodia e la bela e perfeta poesia de questa canson, me ga vegnesto in mente la curiosità de saver chi che zera sto presidente partigiano.

Alessandro Giuseppe Pertini zera el so nome completo, ma in tuto el mondo el ze cognossesto come Sandro Pertini, el presidente pì amà dal pòpolo italiano. El ze stà el sètimo presidente dela Repùblica Italiana (1978-1985) e dopo senador vitalìssio dela Itàlia. Ntela so gestion, el se ga distacà par la so integrità moral e la so ùmile semplicità. Anca par la fortificassion dela democrassia e la difesa dei diriti umani.

Nassesto in San Giovanni di Stella ntel ano 1896. Quando ga s-ciocà la prima guera mondial, el ga servisto al esèrsito italiano ntela graduassion de tenente. Ntel front de batàlia, par el so coraio in assion, el se ga merità la medaia de sàngue e onor. Però, el ga ricusà, parché no'l zera mia a favor dela guera, soratuto parché el se stimea esser passefista.

Dopo dela guera, quando el ditador Benito Mussolini el se ga imparonà dela Itàlia, el gióvano Sandro Pertini el ze diventà ferosse oponente del fassismo. Par via dele so assion, el ga passà 9 ani in prision e, dopo, al esìlio par tuto el tempo dela ditadura militar.

Ntela seconda guera, la pì crudele che el mondo el ga cognossesto, el ga ritornà a Itàlia co'l fugile in man e el fassoleto rosso ntel col, insieme dele trupe partigiane, par liberar la cità de Roma dele forse de ocupassion.

Dopo, ntela lota par liberar la Itàlia dele forse nemighe dela libertà, el ze stà ferìo e condenà a morte par fugilamento. Però, lu el ze sempre stà coraioso, no'l gavea mia paura de gnente. Gnanca le canonade tedesche lo spaventea cossì. Vanti che i lo copesse, nte na spetacular assion, i guerilieri partigiani, condotori dela resistensia italiana, i lo ga risgatà e el ga ritornà ai combatimenti, fin la umiliante derota dele forse fassiste.

Ntel ano de 1990, quando ai 94 ani de età, el ga lassà questo mondo, la Itàlia la ze diventada un s-ciantin pì pòvera e triste, parché la ga perso quel umanista che savea leser el pensiero dele persone cola stessa abilità che se lese un libro. Che, ntela so gioventù, el ga infrontà la pì crudele ditadura. Cola so iremovìbile fede ntei diriti umani, no'l se ga mai assà menar par el preconceto limità de quei che i se catea de esser de na rassa superior.
 

PRESIDENTE PARTIGIANO

“Bom dia Itália, o espaguete al dente e um partigiano como presidente.”

Assim diz a primeira rima da segunda estrofe da bela canção “L'Italiano”, do compositor Toto Cutugno.

Eu, depois de ouvir inúmeras vezes a encantadora melodia e a bela e perfeita poesia dessa canção, fiquei curioso para saber quem era esse presidente partigiano.

Alessandro Giuseppe Pertini era seu nome completo, mas em todo o mundo ele é conhecido como Sandro Pertini, o presidente mais amado pelo povo italiano. Foi o sétimo presidente da República Italiana (1978-1985) e, depois, senador vitalício da Itália. Em sua gestão, destacou-se por sua integridade moral e sua humilde simplicidade. Também pelo fortalecimento da democracia e pela defesa dos direitos humanos.

Nascido em San Giovanni di Stella no ano de 1896. Quando eclodiu a Primeira Guerra Mundial, serviu ao exército italiano na graduação de tenente. Na frente de batalha, por sua coragem em ação, mereceu a medalha de sangue e honra. Porém, recusou-a, pois não era favorável à guerra, sobretudo porque se considerava pacifista.

Depois da guerra, quando o ditador Benito Mussolini tomou conta da Itália, o jovem Sandro Pertini tornou-se um feroz opositor do fascismo. Por causa de suas ações, passou nove anos na prisão e, depois, no exílio durante todo o período da ditadura militar.

Na Segunda Guerra, a mais cruel que o mundo conheceu, retornou à Itália com o fuzil na mão e o lenço vermelho no pescoço, junto das tropas partigianas, para libertar a cidade de Roma das forças de ocupação.

Depois, na luta para libertar a Itália das forças inimigas da liberdade, foi ferido e condenado à morte por fuzilamento. Porém, ele sempre foi corajoso e não tinha medo de nada. Nem mesmo os bombardeios alemães o assustavam. Antes que o matassem, numa espetacular ação, os guerrilheiros partigianos, líderes da resistência italiana, o resgataram, e ele retornou aos combates, até a humilhante derrota das forças fascistas.

No ano de 1990, quando aos 94 anos de idade deixou este mundo, a Itália tornou-se um pouco mais pobre e triste, porque perdeu aquele humanista que sabia ler o pensamento das pessoas com a mesma habilidade com que se lê um livro. Que, em sua juventude, enfrentou a mais cruél ditadura. Com sua inabalável fé nos direitos humanos, jamais se deixou conduzir pelo preconceito limitado daqueles que acreditavam pertencer a uma raça superior.