EL MESE DE AGOSTO - Ademar Lizot

Clica qua par ascoltar/scaricar el àudio.

EL MESE DE AGOSTO

Adesso che i ani i me pesa su par le spale, quando riva el mese de agosto, el me semena ricordi che, a pian, i me core ntei cantoni dela memòria, como le sgosse dela piova su par el viero dela finestra.

Ricordo de quando el nono disea che, el mese de agosto, fora de esser el mese pi mato del marcadì, anca l'é el mese che i cavai vècii, dopo de patir i bruti fredi del inverno, i moria. Ma anca el disea che agosto el ze el mese dela speransa i giorni i scominsia a slongarse, el fà meno de quel fredo de can e se pol ndar in giro par catar fora le erbe ntei campi.

Pròpio cossì che zera sti ani, quando ntel mese de agosto, al sentir che se ndea verso la primavera, parea fin che se vivea nantra vita, coi tosatei a corer e saltar de par tuti i cantoni, a le volte co la fionda e na scarselada de sasseti, in serca de caciar qualche oseleto, a le volte a giugar la bola e, sempre sensa paura de ciaparse soto un camignon o un automòbile, parché nte quei ani, le strade le zera boiente de vita e no de màchine.

Mi, ntela mia infànsia, quando me parea che el Signor Dio el gavea fato el mondo par mi, quando rivea el mese de agosto, ntei giorni che i tirea su un bel vento, cole me man e la me siénsia, fea la pandorga, che la ze gnente depì che na armassion legera de tacoare, ndove, co un poco de cola, fata de farina de formento, se colea na carta che, ligada par un fil, la se leva al cielo col vento.

Par farla ndar su, zera un laoro fàssile e emossionante: intanto che un, par sora de na pìcola elevassion, el tegnea el fil, quel altro, a trenta metri pi distante, el tegnea la pandorga che, al primo súfio de vento, la se alsava su al cielo, che zera na maraveia. Dopo se ghe molea el fil, che squasi no la se vedea pi. Nte quela atività se stea fin el s-curir del di, sol se ritornea a casa quando, ntel argento dela luna, parea de veder el volto de un vècio, portanto su par le spale un seston de mìlio.

Al di d'ancoi, ntel mese de agosto, anca se i so giorni i ze pi longhi, no se vede pi tosatei a corer, a saltar de par tuti i cantoni, cola bola in serca de un posto boiente de vita par giugar. Adesso i ze squasi sempre seradi su dentro dei apartamenti, dele case. Sensa gnancauna atività fìsica, i passa squasi tuto el di sentadi davanti dela television, o sinò del telefonin celular e, gnanca se el mondo el se rabaltà a gambe in sù, no i se tira via de là.

L'é fin pecà che i tosatei de adesso no i sà mia la emossion de ndar in giro cola fionda in man e i sasseti tondi ntela scarsela, in serca de palanchi par esersitar la mira, o sinò cola bacheta par pescar qualche sardeleta ntel rieto e, dopo, vanti sera, alsar su la pandorga in serca del infinito. Questi si che i ze bote de adrenalina, questi si che i ze divertimenti.

O MÊS DE AGOSTO

Agora que os anos pesam sobre os meus ombros, quando chega o mês de agosto, ele me semeia lembranças que, aos poucos, percorrem os cantos da memória, como as gotas da chuva escorrendo pelo vidro da janela.

Lembro de quando o nono dizia que o mês de agosto, além de ser o mês mais maluco do calendário, também é o mês em que os cavalos velhos, depois de sofrerem os rigorosos frios do inverno, morriam. Mas ele também dizia que agosto é o mês da esperança: os dias começam a ficar mais longos, faz menos aquele frio de cachorro e já se pode andar pelos campos para procurar as ervas que brotam.

Era exatamente assim naqueles anos. Quando chegava o mês de agosto e a gente sentia que a primavera estava se aproximando, parecia até que se vivia uma outra vida. Os meninos corriam e pulavam por todos os cantos; às vezes saíam com a atiradeira e um bolso cheio de pedrinhas, procurando caçar algum passarinho; outras vezes jogavam bola, sempre sem medo de serem atropelados por um caminhão ou por um automóvel, porque, naqueles tempos, as estradas eram cheias de vida, e não de máquinas.

Na minha infância, quando parecia que Deus tinha feito o mundo para mim, ao chegar o mês de agosto, nos dias em que soprava um bom vento, eu fazia pipas com minhas próprias mãos e com a minha inteligência. A pipa nada mais era do que uma armação leve de taquara, sobre a qual se colava, com um pouco de cola feita de farinha de trigo, uma folha de papel que, presa por um fio, se erguia ao céu levada pelo vento.

Fazer a pipa subir era um trabalho fácil e emocionante. Enquanto um, do alto de uma pequena elevação, segurava o fio, o outro, a cerca de trinta metros de distância, segurava a pipa que, ao primeiro sopro de vento, se levantava para o céu. Era uma maravilha. Depois soltava-se cada vez mais linha, até que ela quase desaparecia de vista. Nessa atividade a gente ficava até o escurecer do dia. Só voltávamos para casa quando, no brilho prateado da lua, parecia ser possível enxergar o rosto de um velho carregando, sobre os ombros, um grande cesto de milho.

Hoje em dia, no mês de agosto, mesmo que os dias sejam mais longos, já não se veem mais meninos correndo e pulando por todos os cantos, com a bola procurando um lugar cheio de vida para brincar. Agora eles ficam quase sempre trancados dentro dos apartamentos ou das casas. Sem praticamente nenhuma atividade física, passam quase o dia inteiro sentados diante da televisão ou do telefone celular e, mesmo que o mundo vire de pernas para o ar, não saem dali.

É realmente uma pena que as crianças de hoje não conheçam a emoção de andar por aí com uma atiradeira na mão e os bolsos cheios de pedrinhas redondas, procurando alvos para treinar a pontaria, ou então levando uma varinha de pescar para tentar pegar algum lambari no riacho e, antes do anoitecer, empinar uma pipa em direção ao infinito. Isso, sim, eram verdadeiras descargas de adrenalina. Isso, sim, era diversão.