Racolta de fasoi - Par Ennio Zecchin

quarta-feira, 20 de julho de 2022

 

Seese
Sèlese / Seese

In Brasil el tempo dela racolta de fasoi ze de genaio a abril, ntela Itàlia, secondo Ennio Zecchin ze in luio e agosto. 

I fasoi a ani indrio, prima de gaver le màchine che fa la racolta i zera racolti manualmente. Se cavea dela tera dassando con le radise in su parvia que che se sughesse e anca par esser pi fácile de cargar su la careta dei bo, o dirito ntel mùcio par dopo bàterli. 

Quando non se batea la in campagna se portea ntel cortivo dela casa par dopo sgranar. Par verzer le teghe dei fasoi se doperea un atreso primitivo ciamà sverzel o massora. El ze fato con due bastoni ligadi un al'altro par un cuoio de bo. 

Sto atreso ga anca tantìssimi altri nomi de acordo con la zona dela Itàlia. In Brasil se ciama "mangual". A propòsito saveo che gavemo qua ntel sito un dissionàrio talian-portoghese e altro portoghese-talian?

Ben, ma avanti con la publicassion. Sti fasoi in Itàlia zera portadi con la careta a un posto ciamà "selese o seese", che saria un cortivo fato a posta par dassar i grani par sugarse.

I fasoi i zera batui a la matina e dopo del pranzo se rabaltea (raversea) e se batea dela altra banda.

Dopo de sgranar, se tamisea i fasoi col burato par via de spartir la bula dei grani. Dopo dei grani neti se metea nei sachi e se portea casa par gaver cossì par gaver magnar par la fameia in tuto el ano.



Sverzel - Massora - Mangual


Nenhum comentário:

Postar um comentário

Gostou?Comente aqui e se possível inscreva-se.

Topo