Clica qua, par ascoltar el àudio
Un coltel impiantà ntela pianta de banana! Sta frase ne par che ilustra el scomìnsio de una pelìcula de teror, de quele che spaventa i tosatei, ma non ze mia gnente de questo. Sì, una simpatia par saver el nome dela futura sposa o del futuro sposo.
Incoi, questo costume romai el ze stà perso insieme con tanti altri costumi de giugno, ma ndemo descriver come che'l zera, parché forsi, se ancora el esiste, lo gavemo sto costume sol in posti lontani, forse in qualche campagna isolata.
Ntel scomìnsio, sta simpatia, la zera fata ntela note del giorno 12 de giugno e se tirea fora ntela matina del giorno 13, che ze el di de Sant'Antònio, considerà el santo dei morosi, quel che giuta trovar la ànima gemela, la seconda metà dela naransa. Dopo, col passar dei ani, sto costume el ga cambià e el ze stà centralisà insieme con la gran parte dele usanse de giugno e, par ùltimo, sta simpatia la zera fata ntela note del 23 par el di 24 de giugno, giorno de San Giovani Batista, el centro dele festività de sto mese.
Par far sta simpatia, ga bisogno de un coltel, preferibelmente mai doperà prima. Alora, al tramontar, el toso o la tosa ancora scàpolo(a) impianta el coltel ntela soca dela bananera, pianta che produce la banana, e se dassa sto coltel durante tuta la note. A la matina, al sveiarse del sol, sta persona ritorna ndove che ga dassà el coltel e lo tira via. La linfa che la pianta produce disegna forme ntel coltel e, secondo quel che se crede, vien fora scrito la prima létera del nome dela futura sposa o del futuro sposo.
Ricordo che anca noantri la feino sta simpatia, ma col coltel che se gavea casa, mai con un novo. E dale volte, non sò se zera parvia dela nostra fede, ma zera possìbile veder veramente qualche létera ntel coltel. Me ricordo che un colpo de questo ze vegnesto scrito la létera "E" e mi zera impassionà par una toseta che el so nome scominsiea con "E". Son restà gran contento, ma infati non go mai dato gnanca un baso in questa tosa. Ani dopo me gò maridà con altra dona; la prima létera del so nome zera "E". Coinsidénsia? Non lo sò, ma lo sò ze che sto costume zera solche un de tanti che se gavea ani indrio.
Clique aqui para ver a tradução desse texto.
Un coltel impiantà ntela pianta de banana! Sta frase ne par che ilustra el scomìnsio de una pelìcula de teror, de quele che spaventa i tosatei, ma non ze mia gnente de questo. Sì, una simpatia par saver el nome dela futura sposa o del futuro sposo.
Incoi, questo costume romai el ze stà perso insieme con tanti altri costumi de giugno, ma ndemo descriver come che'l zera, parché forsi, se ancora el esiste, lo gavemo sto costume sol in posti lontani, forse in qualche campagna isolata.
Ntel scomìnsio, sta simpatia, la zera fata ntela note del giorno 12 de giugno e se tirea fora ntela matina del giorno 13, che ze el di de Sant'Antònio, considerà el santo dei morosi, quel che giuta trovar la ànima gemela, la seconda metà dela naransa. Dopo, col passar dei ani, sto costume el ga cambià e el ze stà centralisà insieme con la gran parte dele usanse de giugno e, par ùltimo, sta simpatia la zera fata ntela note del 23 par el di 24 de giugno, giorno de San Giovani Batista, el centro dele festività de sto mese.
La simpatia
Par far sta simpatia, ga bisogno de un coltel, preferibelmente mai doperà prima. Alora, al tramontar, el toso o la tosa ancora scàpolo(a) impianta el coltel ntela soca dela bananera, pianta che produce la banana, e se dassa sto coltel durante tuta la note. A la matina, al sveiarse del sol, sta persona ritorna ndove che ga dassà el coltel e lo tira via. La linfa che la pianta produce disegna forme ntel coltel e, secondo quel che se crede, vien fora scrito la prima létera del nome dela futura sposa o del futuro sposo.
Ricordo che anca noantri la feino sta simpatia, ma col coltel che se gavea casa, mai con un novo. E dale volte, non sò se zera parvia dela nostra fede, ma zera possìbile veder veramente qualche létera ntel coltel. Me ricordo che un colpo de questo ze vegnesto scrito la létera "E" e mi zera impassionà par una toseta che el so nome scominsiea con "E". Son restà gran contento, ma infati non go mai dato gnanca un baso in questa tosa. Ani dopo me gò maridà con altra dona; la prima létera del so nome zera "E". Coinsidénsia? Non lo sò, ma lo sò ze che sto costume zera solche un de tanti che se gavea ani indrio.
Comentários
Postar um comentário
Gostou?Comente aqui e se possível inscreva-se.