El Talian insegnà anca nel Paraná nele scuole

El talian a ogni di che vien fora el dimonstra che el ze ancora vivo e come la vigna che perde le fóie nel inverno ma dopo che el fredo el va vìa vien fora fóie pi bele ancora e bisogna sol aspetar ancora un poco de pi par vegner fora bei gràpoli de ua.
El talian anca ze stato cossì. El ga nassesto ntel Porto de Génova, la so infànsia ze stata ntel batistimento e el so posto de sviluparse fora ze stato el Brasile nel fine del sècolo disnove.
Però dopo ga vignesto el inverno ciamà de Jetulho Vargas e gà taià vìa i rami e fóie con la proibission de se parlar el Talian.
I rapresentanti del goerno brasiliano gavévano paura che i nostri pori vècii fusse spioni de guera. E alora cossì i ga sofresto tanto per imparar el portoghese, ze come un fiol spartà dela mama massa bonora.
Ma gràssie a la forsa che favemo ntele vene, el nostro sàngue talian, dopo de squasi 150 ani semo ancora forti e pronti per butar fóie e bei gràspoli.