Pagine

Clique para entrar

.

.

RÁDIO AMICI DEL TALIAN NO AR

quinta-feira, 18 de janeiro de 2018

La dona che parlea co'i fiori - Honório Tonial

Ghe zea na dona che parlava co'i fiori: Co le rose, crisàntemi, girassoi, giasmini, violete..., la ghe disea:
- Ma che bei che si! I ciucia-fiori i vien basarve! La farfàie le vien caressarve! A note la lune e le stele le ve tende!
Quando le comare le ghe domandea a sta dona come i fiori i fea par vegner grandi e bei, ela la rispondea.
- Mi ghe digo sempre bele parole e, tante volte, anca a gha canto sotovoce bele cansone d'amor.
Magari ela la ghe metea sempre tera bona, grassa curtia e dele volte co'i prodoti chimichi la copeva la spaurea le bestiolete. 
Un giorno che la dovea ndar catar so mama la ghe dise al so omo.
- Bisogna che te ghe tende a i fiori. Dighe sempre bele parole e cànteghe sempre cansone d'amor bele e alegre.
Ma lu, poareto, no'l ghe credea, e anca, el gave una voce bruta come quela de un corbo, el sapurea fin i babastrìi (morcegos) co'l verdea la boca par cantar.
El pensa:
- Che i vaga piantar patate anca i fior! Mi go altre robe da far.
Ma dopo el ga pensà mèio:
- Ma, e se i vien bruti? Se dele volte i more? 
Lu el ghe volea ben a la so dona che lera na bela cristiana, brava da laorar...
Anca se con poca vóia, el se ciapa su na sécia e el va portarghe àqua a sti fiori.
El se ga ricordà anca che el punaro l'era sporco. Lora el dise tra de lu sol:
- Go sentisto dir che i schiti de polastri i fa gran ben a le piantaion!
Lora el ciapa un mùcio de schiti, li semena in torno a i fiori e in tuto il giardin. Fato sto tanto, el scomìnsia parlarghe a i foiri.
- Vardé che non ste mia in gamba la me dona la barufa con mi.
- Ste atenti parché:
- Le formighe le pol vegner taiarve el col.
- Le cavalete le piase tanto i fiori fiape.
- I babastrìi de note, i vien e i pol sassinarve!
Finamente la fémena la torna e la ghe dimanda.
- Cosa ghetu fato che el giardin le cossìo bel?
Lu el ghe risponde:
- Dimàndeghe te a i fiori che te se parlar con lori!
Mi go portà via schiti del punaro!

Por: Honório Tonial ( In memória)

Nenhum comentário:

Postar um comentário

Gostou?Comente aqui e se possível inscreva-se.