Pagine

Clique para entrar

RÁDIO AMICI DEL TALIAN NO AR

sexta-feira, 20 de setembro de 2019

El nono quando copea porsei - Fábio Dalló

El nono quando copea porsei

Ritorno tanti ani indrio , quando mi zera ceo ancora, del me nono
quando copea porsei e mi savea che saria un giorno de far festa.

Quatro e mesa dela matina piu o meno, buio ancora, si sentiva el
nono Gioanin che caminava fuora ntela strada che portea intro
una càmera e gavea una tola granda, vècia come lu.

Dopo caminar su tante boasse, passea davanti la caponera e
ntel porcile ( chiqueiro ) zera li el porsel, sgionfo che non
caminea pi e un po vicino a casa, una pignata granda piena
d`àqua che boiea.

Quando el sol scominsea a far ciaro, si sentia un strondo forte,
zera el nono che spacheva la testa del pòvero animale e dopo
fea un buso al meso cuore e lo catea tuto quel sàngue con
una scudela.

Lu ciamea la nona, “ vècia, vècia “ porta l`àqua calda, fate
furba e cosi scominsea quel laoro; dopo del curor pulito , taiarlo
e far tute le robe bone par magnar.

Meno de una ora, el porsel zera picado in su, già con le budele
tuto fuora e mi che aspetea la vesciga ( bechiga ), calda ancora e
con la boca sufiava fin che la sgionfea e con un spago
strucava forte. Cosi, mi, me fradel e me cusin scominsàvino a
giugar.

Gambe, testa, schena, pansa, già era tuto su la tole, parché le
ore de far musete/cudighin, salame, figadel, scòrfici, sisole,
sacol, panseta, mursilia, bagna; ma non dimenticare le budele,
parché al fin del laoro se fea anca el saon. Pronto, cosi riva la
note.

Picado su el sufito, pi de diese stanghe de salame che tuti giorno el
nono contea par vede si mancava qualcun. Che vóia de catar
fuora una gamba, mà che paura del nono, parché non ze come
adesso che si magna tuto quel che se vol, nò nò, quela olta se
magnea sol una o due fete quando zera mezdi o note, prima di
dormire.

Ma cosi zera la vita dei coloni, lori savea quanti laori se fea per
un fiorin.

E mi ? E mi con el pensiero de quela olta, tanti ani fà, ricordo
quando el nono Gioanin, copea porsei.


Fabio dalló

Nenhum comentário:

Postar um comentário

Gostou?Comente aqui e se possível inscreva-se.