Pagine

Clique para entrar

sábado, 5 de novembro de 2016

Ricordi dea seconda guera - Una storieta in talian

Se te ghe una stòria in talian e vui che metemo qua nel blog come ga fato el amico Ademar Lizot, pol mandare per el email: italianiinbrasile@hotmail.com

Spùncia qua per veder nantra stòria che lu ga mandà per nantri.

Ricordi dea seconda guera 

Na domènega, bela, sensa na nùvola  ntel cielo, go ndato trovar mio fradel Ventura, el piú vécio dea nostra fameia. Me piàse ndar trovarlo parche l`é sempre na emossion sentirlo discorer stórie dei ani vanti.  L`é  un cristian con cognossensa de vita e consiliero par diversi afari.
               Dopo, quando se ciuciea el simaron e discorea, me gà vignesto in mente che in questo ano de 2015, mese de màggio, 70 ani fà che finia la seconda goera ntea Europa, la piú bruta goera de tuti tempi.  Cossi go domandà al fradel sel gávea qualche ricordo de chei ani de goera, parche se anca picoleto, el gà vivesto in chei bruti tempi.
                Mio fradel, dopo ruminar í pensieri, el ga dito:... –Òstrega...! Ghe una che go mai desmentegà, scolteme polito...- Zera picoleto, gávea nove ani, tutavia ricordo, se no me sbàlio, l`era sabo vanti note, mese de giùgno, ano quaranta quatro, el mondo ancora in goera. Piovea e un fredon che se fea fadiga star lontan del fogon,  cossi  tuti in cosina, co pignoni e mandolin, el nono co so pipeta, el pupà  co so vin, noantri co pignaton de brodo e la mama drio pareciar la sena; zera in chei momenti che la vita ze  bèlla.  Alora gà riva rento nostro vizin Balduino, el se gà fato avanti, co na fácia de poche parole, í óci Rossi de chi gà piandesto. Questo tosato l`era come dea nostra fámeia, l`era un tosato franco e aotêntico e anca el zera moroso dea nostra zia Dozolina e ntel mese de Genaro de chel ano, el gà  anda via par èssere soldà  ntea trupa brasiliana( FEB) e adesso mese de giùgno  `l  vignesto casa de lissensa.
             Alora el gà parla che `l vignesto par saludarli, vanti  ndar via, parche dimanmatina  bisognea  ritornar  via solda. Fin incoi zera tuto bene, tutavia  questo sabo,  dopo mesodi gà ricevesto na létera de so capitan che lo ciamea a ritornar presto al “quartel” e che la so trupa ndea far la goera ntea Itália contra í Tedeschi e Taliani, Anca el gà savesto che in Francia, el esército dei aliadi gà disbarcà, “GIORNO D”.  Cossi na granda quantità de soldati í zera drio pareciarse par embarca tei bastimenti, sbandonando  `l paeselo che í gà nassesto, in viagio par rivar a naltro mondo, un mondo in goera.
              Povereto l`era deventà squasi disperà, parche el gávea la obrigassion de far la goera e assar so genitore, morosa, parenti e amici e n´ol sà se í tornerà a riverdese. L`era disperà anca parche la goera esser in Itália, paese dei noni e bisnoni. Cossi el gà domandà un conselio a nostro nono, el piú vécio, amirà e cosiliero par diversi asunti.
               El nono lo gà insegnà polito...El gà parla che`l  bisignava no lassarse menar via par el despero e che`l  gávea obrigassion col paese che el gà nassesto e ricévesto nostra zente, la “Pátria Brasiliana”. – Imbarca ntel bastimento sensa paúra dea goera, co coraio e fede in Dio, el paron del mondo e co vostro caráter pien de bontà, de carità e de fede, sempre pronto a iutar i altri, adesso te ghe la oportunità de iutar nostra gente in Itália che í ze drio patir tante dificultà, varda che adesso te ghe la gràssia de cognosser el paese dei noni e par finirla..Ste atento a che´l  che te gà insegnà í noni e genitore de eser sempre un bon cristian.
                Domenegà  matina, dopo dea mesa, l`é anda ntel prete tor a benedission par el grando viaio.  Dopo Riva la ora dea partensa... parenti e amici, tuti insieme a saludarlo, la malinconia de la separassion se fea sentire,  la mama e la morosa drio piander.
               -Adio pupa.  Adio mama...! Go paúra che no se veremo mai Pi...!
              -Che la Madona e el Sacro Cuore de Gesù te daga la so protession,  caro fiol...! E nò desmentegarte de dir sú í siqueri de Santantoni tuti di, che noantri anca pregaremo par te!
              - Mama, Pupà... Tendeghe a la ia morosa...! Consolela, che se Dio vol, ritorno par sposarla!
             “-Un bàcio a la mama e nantro al pupà, sinquanta a la morosa e el gà partiu via soldà”


Ademar Rocco Lizot.

Quer aprender falar e escrever em Talian? Clique aqui pra saber mais.

Màggio de 2015.

Nenhum comentário:

Postar um comentário

Gostou?Comente aqui e se possível inscreva-se.