El Dotor Italiano - Ademar Lizot

Clica qua, par scaricar el àudio.

Par ascoltar la stòria, clica soto:

EL DOTOR ITALIANO

Autor: Ademar Lizot
Revision: Loremi Loregian-Penkal e Juvenal Dal Castel



Là par i ani 50, la dècada de oro del sècolo passà, noantri sèrino de star nte un paesel postà fra le coline, querte de erba mate, vignai e verdolini boschi. Figueira Alta zera el suo pomposo nome. Ma, dopo, quando el ga deventà munissìpio, i ghe ga cambià el nome par Arvorezinha e, cola emansipassion, ze rivà el primo dotor dela nova sità. El zera un mèdego dela region del Véneto, dela provìnsia de Pàdova, se no me sbàlio.

Darwin Buglietti el zera el suo nome, e el clinicava nte un rùstego ospedal, de parede de tole de pin, scarso de remèdii e strumenti sirùrgichi, soratuto quei che se feva bisogno par far i esami dei maladi. Ma, stesso, el compia la so nòbile mission par, con stragranda dedicassion, tender a tuti quanti. Paron de una ecelente formassion clìnica, el fea dela pi sémplisse intervension, come far i punti in qualchedun che el se gavea taià col cortel, fin operassion de alto rìs-cio, come quela che la ghe ga tocà sotométerse la mia cara mama.

Cossì, nte una s-ciantina de tempo, el ga conquistà fama de esselente clìnico, rispetà da tuti, parché el tratea de tute le malatie del corpo umano. Ma se qualchedun san come un corno el fea finta de sentir qualche dolor, el ghe disea:

- Gavesse mi solche questo dolor, in questa età tua…

Tantìssime volte el ze stà ciamà ala casa dei coloni che, par ricéverlo, i netea la stansa, i scambiea i linsioi del leto e, anca, le robe de soto del malà. Anca i pareciea na mastela con àqua, insieme de un portassaoneta, col pi bel sugaman.

Par ndar trovar i maladi, el doperava un zipe, modelo 44, una relìchia dela Seconda Guera che, par rivar ala casa dei coloni, el ghe tochea ndar in giro, su e zo par i monti, par rùsteghe stradete, verte dale bèstie e dala gente.

Quando el rivea, zera un vero evento. El disbarchea del zipe, de fatiotina bianca e capel bianco, anca quel. Cola so valisa in man, cola barba fata, tuto profumà, el fea alsar su na granda amirassion fra i contadini. Con afetooso e seren vardar, acompagnà de feducioso soriso ntei lavri, el saludea a tuti.

Dopo, intanto che la fameia la restea ntela stansa vissina, el esaminea el malà e, con calma, de un modo sémplisse e ciaro, sensa dimostrar na ecessiva preocupassion, el fea el diagnòstico e el scrivea la risseta, anca quela ben scrita, con na bela letra, par tuti quanti capirla. La paga del suo nòbile laoro, la restea al giudìssio del contadin. Ghera de quei che i lo paghea con soldi, altri con produti agrìcoli, soratuto formaio, salame e vin, ma quei pròpio pòveri, solche con:

- Gràssie dotor, che el Signor Dio el ve paghe!

Al partir, solche a forsa de tanta insistensa, el acetea bever un bicier de vin, quel riservà ai vistanti ilustri.

L`è stà ntela sità de Pelotas, RS, come professor académico dela Facoltà de Medissina, che el ga finio la sua tragetòria profissional e, ai di de ancoi, se non el ze mia in paradiso, el ze vissin, e anca mi ghe digo:

- Gràssie, dotor Darwin!

O DOUTOR ITALIANO

Lá pelos anos cinquenta, a década de ouro do século passado, morávamos num pequeno povoado, rodeado por colinas cobertas de erva mate, vinhais e verdes bosques. Figueira Alta era seu pomposo nome, mas depois, quando foi alçado à categoria de município, trocaram o seu nome para cidade de Arvorezinha e, com a emancipação, chegou o primeiro doutor da nova cidade. Era um médico da região do Vêneto, da província de Pádova, se não me engano.

Darwin Buglietti era seu nome e começou a clinicar num rústico hospital, com paredes de tábuas de pinho, quase desprovido de remédios e instrumentos cirúrgicos, principalmente aqueles necessários para fazer os exames nos pacientes. Mas, ainda assim, este pioneiro médico cumpria sua nobre missão e, com grande dedicação, atendia a todos. Possuidor de excelente formação clínica, fazia do mais simples procedimento, como os pontos num ferimento à faca, até cirurgias de alto risco, como aquela que teve de submeter-se a minha saudosa mãe.

Assim, em pouco tempo, conquistou fama de excelente clínico geral, respeitado e referenciado, pois tratava de todas as doenças do corpo humano. Mas se alguém, são como um palanque de tarumã, fingia ter alguma dor, assim ele lhe dizia:

- Fique com ela, quisera eu ter só essa dorzinha, a esta tua idade!

Muitíssimas vezes foi chamado na casa dos colonos que, para recebê-lo, limpavam o quarto, trocavam os lençóis da cama e as roupas de baixo do doente. Também posicionavam um belo lavabo, com água, porta sabonete e o mais belo enxuga-mãos.

Para visitar seus pacientes, tinha um jipe modelo 44, verdadeira relíquia da Segunda Guerra que, para chegar nas casas dos colonos, descia e subia por montes e colinas, por rústicas estradinhas, dessas abertas por gado e gente.

Quando chegava, era um acontecimento: desembarcava do jipe de terno branco e chapéu, branco também. Com a valise na mão, bem barbeado e exalando um agradável perfume, provocava uma forte admiração entre os colonos. Com afetuoso e sereno olhar, acompanhado de confiante sorriso nos lábios, cumprimentava a todos.

Depois, enquanto a família permanecia na sala ao lado, ele examinava o doente e, com calma, de um modo simples e claro, sem demonstrar excessiva preocupação, dava o diagnóstico e fazia a receita, bem escrita, com bela caligrafia, para todos entender. O pagamento de seu nobre trabalho, deixava a critério dos colonos. Alguns pagavam em dinheiro, outros com produtos agrícolas, principalmente queijos, salames e vinhos, mas os bem pobres o pagavam só com:

- Obrigado doutor, que Deus Nosso Senhor te pague!

Ao partir, só com muita insistência aceitava tomar um copo de vinho, aquele especial, reservado às visitas ilustres.

Foi na cidade de Pelotas, RS, como professor na Faculdade de Medicina, que finalizou sua vida profissional e agora, se não está no céu, está vizinho, e eu também digo:

- Muito obrigado, Dr. Darwin.