Gigieto Bruto Fiol d` Cán

Gigieto bruto fiol d`can, co`l sàngue che bóie te scrivo un poche de parolete drite e
s-ciete, parché ghe vol che te sìpie, che mi posso ver el troton de na mussa, ma no son mia
bauca e indrio come te pensi ti. Magari son de piú che na paiassa parché te go credesto che te
ndevi via a Porto Alegro far un stàgio ntel Sindicato, son stata anca un poco inseminia par
crederte tanto. E ti bruto rospo co í nostri soldi te ghe ospedà ntel che`l hoteleto dei pedo che
ghené e insieme de quela, giusto quela, bruta vaca, putana, ròia e scroa, gala che mèio de
mi?... Gala fursi í lavri d`oro, o í mostaci pieni de puina, bruta scroa. E ti gheto gnanca
vergogna, maledeto! Mi si bauca credea tuto quel che te me disei, che mi zera la piú bela dona
del mondo, che me somiea co na Stela caduta del cielo, bruto busiaro, te si piú falso de che
una giralaca, ma adesso te pol tegnértela e vien torte í to strassi e va insieme de quela scroa
che valtri se merité, i due insieme vale manco che un tuston sbusà, nó vui più vederte gnanca
pinta d`oro.

Che`l mistier fiapo che te lo gavei picinin te gaverè de perdelo, parché quela che te ghe
adesso, mi go savesto che la ga una pomadeta maledeta che se nol cresse , la ghe da una
ondesta e el cresse o el casca do, dopo ti basta de pissar in pie, te tocarà cuciarte come le
done, ma se la te toca, la te sta ben. Scolta che te digo nantra, bruto sporcacion, no sta
caluniar a nisun parché mi go savesto de le tue malagrassie, son stata pròpio mi, co í me òcii
che go visto.

Mi paiassa, pròpio meda insiminia, andea ntel postin (Correio) postar na bela lètera, piena de
amore e bele parolete par ti a Porto alegro, bruto rospo, fortuna che no la gavea ancora
postata e alora ghe go visto, valtri due ndando rento de quel hoteleto, me ga vignesto sú le
fumane, go mola quatro porchi , la lètera che gavea in man, la go sbregada coi denti, go fato
tuti tocheti e ghe go pestà dosso e dopo son andata sú nte una construssion darente el
hoteleto e ghe go visto par la finestra... Ti sensa braghe e sensa vergogna e ela bruta putanassa
nuda del tuto e par sora de le cuerte che a te spetea par veder se tuo mistier fiapo se
sdurmissiesse.
La fortuna (sorte) de valtri ze sta nó ver mia insieme con me un s-ciopeto cargo a sal e balotini,
parché volea cosarve í documenti, ovi borse e tuto a s-ciopetade a ti e a quela bruta scroa. Par
finirla. Che me steghe distante, parché te dau na peada ntel fiapo, parvia che no son più quela
bauca che te ga credesto na volta.

Enviado por: Ademar Lizot
Redação: Jaciano Eccher
Autor: Desconhecido