Gigieto Scapolon - Ciàcola - Ademar Lizot

quinta-feira, 1 de fevereiro de 2018

Quando Gigieto se ga maridà, deromai l`era scapolon, gavea 40 passa ani de età, bisogna
dir che sempre vivesti insieme dea so mama taliana, na dona de cuor valente, che lo tegnea
sempre come sel fusse ancora un tossatel. Dopo maridà el ga andato de star a lontan de so
mama e insieme dea so fémena, na tossa bela che mai, de disdoto ani de età.
Magari nte la prima stimana de maridadi, Gigieto le ze intrà in depression parvia che'l zera
adesso a lontan dea so mama, la persona più predileta dea so vita. Cossì no`l gavea ancora
fato niente co la so fémena, bela che mai.
La fémena, belìssima, disdoto ani de eta, la zera tanto stufa, parvia che í passea par na
situassion difìssile, alora la ga andato consiliarse co so sorela più vècia a tanti ani maridada,
che la ga insegnà co la so sapiensa e cognossensa de come far par desmissiar fora quel bauco.
La ga dito:...
- ”Ancoi vanti scurir, quando Gigieto vien casa del laoro, bisogna che ti te parecie più
bela ancora, fà el bagno, co'i profumi di fiori e dopo va riceverlo nuda, solamente de braghete
e bustin negro, cossì te sicuro quel se desmissiarà quel bauco.
Gigieto ga arivà casa, ancora co so pensieri in testa e quando el ga verto la porta, el ga
squasi perso í sentimenti, el se ga visto davanti de quela fémena, belìssima, solche de
braghete e bustin negro. Alora co'i òcii che ghe vignea fora dea testa, el ga scominsià un
osamento, el disea:...
- ”Madona mia, Santantoni iuteme, cosa ga sussedesto co la mia mama,
che te si tuta de vestimenta negra?

“Questa storieta pol esser una busia o na verità, magari meio dir che par noantri taliani, la persona
più predileta dea nostra vita ze la mama.”

Ademar Lizot.

Nenhum comentário:

Postar um comentário

Gostou?Comente aqui e se possível inscreva-se.

Topo