Pagine

Clique para entrar

RÁDIO AMICI DEL TALIAN NO AR

quinta-feira, 24 de maio de 2018

Te piase l'inverno? E par far la dócia? Varda come non tribular tanto.

Cari letori del Sito Brasil Talian, mi me piase tanto del fredo, me piase tanto del inverno che mai, ma sò che ga tanti che i ghe piase mia, sò anca che ga due cose difìcile da far. Far la dócia (tomar banho) e ndar a leto co'i nissioi ancora fredi.
Ma fa un due o tre ani che i me ga insegnà come scaldar el bagno (banheiro) prima de far la dócia. Bisogna che te ciape una pignata vècia o qualche mestier compagno e te meti rento un poco de spìrito (alcool). Dopo te lo porti rento del bagno e "daghe pàia", impìssia el fogo, ma sta atento par non lassar darente a robe par non ciapar fogo in tuta la casa, meti nel sentro del bagno. In pochi secondi vien fora una fiama così alta e scalderà tuto el bagno, pronto te pol far la dócia sensa problema del fredo.
Adesso una che gò imparà ancora da cieo ze come scaldar i nissioi prima de ndar a leto.
Ricordo ancora che la mama la scaldea àqua, nò ntel punto de lassarla boiendo ma squasi, dopo la metea questa àqua calda rento dele botìlie de matèria plàstica e dopo la ciapea el sugaman (toalha de rosto) par sugarle e non bagnar tuto el leto.
Quando se ndea dormir se metea ste botìlie in meso a i pie e li restea caldi tuta la note.
El me pupà raconta che un zio mio, fradel de lu el ze stato nato prematuro e a quei ani gavea mia tanti recursi come ntei giorni de incoi, alora la nona lo ga creà cossì, scaldando ntel inverno nei suoi primi di de vita con àqua calda. lu l'era tanto picinin che la nona metea una botìlia come quela dela stampa a ogni banda de me zio.
Incoi gavemo i nissioi elètrichi par scaldar el leto e anca la calefassion (aquecedores) par scaldar el bagno ma se ti te si poareto come mi zera (e son ancora kkkkk) fa quei mestieri li che non te tribuli tanto.

Nenhum comentário:

Postar um comentário

Gostou?Comente aqui e se possível inscreva-se.