Pagine

Clique para entrar

RÁDIO AMICI DEL TALIAN NO AR

segunda-feira, 25 de fevereiro de 2019

Nostalgia dele cose piu sémplice dela vita

Incoi la nostra vita ze sempre in freta, sempre drio corer par de qua e par de là in serca de soldi, de laoro e in serca de cose materiale che dale volte non ze mia tanto ùtile ma gavemo bisogno ( o fursi pensemo cossì) par non esser manco de nissun.
Se te compri un auto par esémpio, un ano dopo te pensi che non l'è mia el caro del ano alora te laori come un mato nantra volta, desmentegando la faméia e i amici, dassando de viver veramente la vita par dopo comprar un auto piu novo par non se ciapar indrio.

Son sicuro che te ga dito una centinàia de volte che el tempo zola, che quando se vede le natale nantra volta non l'è mia vero? Te svélie matina, fa la colassion, va laorar, e quando te vedi l'è note nantra volta e tuto sucede dela stessa maniera di dopo di, stimana dopo stimana e ano dopo ano.

Mi dale volte in meso queste corsate dela vita me ciapo a pensar sora tempi indrio la in campagna insieme con pupà, mama e i fradei ancora scàpoli. Se tribulea si anca con el laoro in campagna ntel sole caldo. In quel tempo se gavea invìdia dele persone che zera de star in cità. Se credea che qua l'era mèio, che la ombria e àqua freda l'èra una vita fàcile e se gavea gnanca comparassion con la vita in colònia.
Posso dir con sicuressa incoi. La vita in campagna ze el paradiso e se pol vìver. Se anca dale volte si fa un laoro piu faticoso el tempo non zola tanto come qua in cità. In cità el ano el gà circa de 180 giorni facendo una comparassion con el ano dela campagna. Si anca se laora fortemente in campagna te truchi l'àrea e el posto a ogni pochi minuti. La natura, i canti dei osei, l'ausénsia de bacan e la privassità fa la vita in colònia esser veramente vita.

Go nostalgia de quando mi ero d'star ensieme a i genitori. Dopo del disnar se senteva ntela ombria de una pianta de nèspole par bever el chimarrão e ciacolar prima de ndar sapar. Incoi el poco tempo che se gavemo ancora dale volte lo demo a i telefonini. Come una persona ga dito una volta, "la tenologia avicina i lontani ma alontana i vicini". Questa ze la piu grande verità.

E sensa parlar ancora dei filò. Quando se ndea ntei visini par cantar ciacolar e tornar i giorni piu longhi, se anca fusse luni, marti o sabo. Non se gavea di par viver. Sti ani indrio la vita era veramente vita parché se podea viver secondo dopo secondo con le cose sémplice che dassea un gusto piu bon par le cose che se guadagnea o conquistea.

Por: Jaciano Eccher

Nenhum comentário:

Postar um comentário

Gostou?Comente aqui e se possível inscreva-se.

txt

google.com, pub-2838464224155337, DIRECT, f08c47fec0942fa0