Pagine

Clique no Player abaixo para parar a Rádio / Struca par fermar la ràdio

Clique para informações / Struca par informasion

terça-feira, 19 de maio de 2020

Auguri de Felicità - Per Ademar Lizot

Ascolta la dolse voce de Ademar Lizot:
 

                                                      Auguri de felicità
  
  La  Signora Isolde ga riva ai sessanta ani de eta!
  Auguri de salute, pace e felicità!
  Cara mia come che el tempo passà svelto, mia vera? Me par de èsser ieri che el SignorDio ga benedi a noatri due e semo ndati de star nte una casetina che gavemo alsa su nte un paesel sbandonà in che se gavea de visin solche un casal de “Quero Quero”, te ricordi ncora?  E la nte quela casetina ùmile presto ga rivà le nostre bambine, prima la Carla, bela e piena de vivassità, dopo la Joana, picinina de proporssion e granda de personalità e par ùltimo la Gigia, co so teneressa, so dolcessa la ga porta ncora pi alegria nte la nostra vita e sempre insieme dela nona pareciando quei pani deliciossi e se gavea na stragranda felicità quando se andea trovar el nono Bertilio e la nona Helena, che època indesmentegàbile de nostra vita.
   Ma dopo el tempo ga viaia nte le ale del vent e ga rivà quel giorno che ga maltratà nostra ànima, quando la nona Giagia  ga partì de questo mondo e la ga assà un grando dolor in nostro cuor e cossí ga passà tanti sogni e adesso  nò semo pi gióvani, mi soratuto go na aparensa de vècio co le me rughe nel viso, però ti  se anca i to cavei bianchi, par me  tu sei ncora quela gióvena  bela che cognossesto nte la mia gioventu.  E cossì portemo nostra vita avanti,  sempre co la benedission del SignorDio che  nte la so bontà sensa fin el ga manda par noi i  nipotini, el  Vinicius co`l suo soriso incantà e la Heloisa, la nostra Massolin di Fiori e gràssia anca par i nostri zèneri, tutiquanti pernone de nostra stimà.
   Cara mia tanti ani fà  che el nostro amor rinasse a ogni giorni co un bàssio e una parola de dolcessa e per questo amor ringràssio al cielo e a te par tante gràssie:
Gràssie par tuto quelo che me dai,
Par la comprension e el  ben che me voi
Gràssie par la teneressa che io trovo in te
E nò stà mai desmentegarte, che io te voglio tanto ben.
Tanto ben.
Ademar lizot.

Nenhum comentário:

Postar um comentário

Gostou?Comente aqui e se possível inscreva-se.