Pagine

Clique no Player abaixo para parar a Rádio / Struca par fermar la ràdio

Clique para informações / Struca par informasion

sábado, 6 de junho de 2020

Stravagansa de Vècio - Ademar Lizot

Ascoltemo la stòria co la voce del Lizot: 


                                                                                                    

Stravagansa de Vècio
   Una volta el nono me ga dito che deventar vècii l`é  compagno de andar par una stradeta sbandonada  ndove se camina ressegnà e sensa ràbia menando nte le spale la carga dei ricordi del passà e che nte le preghiere tante volte se fà la domandà de ritornar a la infansa dela vita, come se fusse consedìbile par el Signor-Onipotente questo regalo e in questa soprema domandà, i vècii i ghe piaseria de ritornar na mùcia de ani indrio, anca che fusse un giorno solo par trovar la so benedeta inossènsia, i dolci ani dela so infansa e gioventù. Nò i volaria mia soldi, gnanca fortuna, volaria solche la so ànima lìmpida e pura de tossatel par  sentàr nantra volta nte  la cassa dela legna, dadrio del fogon, e fermi scoltar quele  parole de dolcessa e simplissità del  pupà e mama,  sguardarli  sani e felisse drio ciacolar nte`una matina freda del inverno, co  la fumana del fogon drio alsarse su al cielo e nte la note del quel giorno, vanti de butarse  zo nel leto guadagnar un bàcio dei lavri dolci dela mama e sentir la man pesada del pupà sparpaiar i soi cavei.
   Ma anca pol èsser che sia solche  na mania dei vècii ricordar el passà e dir che la infansa l`é stà el paesel del suo paradiso, in che i zera sani e felice, un paesel de cielo  lìmpido,  campi fiori,  boschi verdegianti e sempre primavera, in che se scoltea solche el osamento dei oseleti, el grugnido dei bovini e el relìnsio dei cavai, un paesel sensa dèbite par pagar, sensa  delinchenti, sensa falssità  e sensa orgòlio, cossì  l`é stà  un pecà quando se ga fini la nostra infansa, parchè compagno che ga tocà al Adão e Eva dopo che i ga magnà el pomo proibido,  anca a noantri semo paradi via del paradiso, e quela volta el signor  ga dito:..-Voialtri gave de magnar el pan de ogni giorno co`l sudor che ghe core zo par el viso, gave de sentir el fredo inclemente del inverno e riposar par sora del nudo teren e de sta manera, parvia de questo castigo,  ga tocà a i òmeni  le  malatie, guere,  misèrie e arogansa.  Tutavia el Signor nte la so bontà sensa fin el ga regala la umanità  co`l bambin Gesù che a ogni nadal el porta un mensàgio de fradelansa e amor////, però ga tanti  che sedusì par i soldi, nò i ga mia la capassità de capir questo benedeto menssàgio de fradelansa.
    Però anca mi che adesso son meso fiaco par i fredi de giugno e sensìbile al vent gelà del agosto e a ogni giorni caminho con de lentessa,  par una stradeta sbandonada e bianca come el sal, co`l sentimento  che`l  tempo el me scampa via fra i dei  come sel fusse un  pess sbrission  e  i ricordi del passà i ze la mia  ùltima stravagansa co`l consolo che me ga vansa ancora una s-cianta de coraio par lotar fin la ùltima s-ciopetada.  
Ademar lizot.

Nenhum comentário:

Postar um comentário

Gostou?Comente aqui e se possível inscreva-se.