Le dresse de pàia de formento par far capei

 

Sti ani in drio e sempre manco a ogni ano che passa se vedea le nostre mame e nostre none far la dressa par i capei.

Bisognea prima de tuto ndar tor la pàia de formento, dassar un tempo rento l'àqua parvia che non se spachesse al far la dressa. Dopo con le man pien de speriensa pian pian vignea fora bele dresse e dopo dela dressa fata se cosea par far i capei.

Me ricordo anca che el me pupà Lucidio Ecker el zera bon de far ste dresse e anca bei capei, lu el ga imparà de me nona. Ricordo anda che el ghe disea che par vegner fora un bel capel gavea bisogno de 25 brassi de dressa pronta, o sipia, se voltava la dressa intorno al brasso come tegner in man una corda e se contea 25 brassi. El pupà disea ancora che capel de poca "aba" zera par i pigri, parché in campagna soto el sol gavea bisogno de una bona "aba" par non brusarse i brassi e la schena.

Varda sto vìdio che go fato romai a squasi 5 ani quando sta pora nona zera ancora viva.