Pagine

Clique no Player abaixo para parar a Rádio / Struca par fermar la ràdio

Clique para informações / Struca par informasion

terça-feira, 15 de setembro de 2020

Stimana "Farroupilha" ntel Rio Grande do Sul

 


Siamo taliani si. Gavemo un orgólio tantìssimo grande de gaver ntele nostre vene un sàngue véneto che urta avanti. Ma anca n'altro orgólio grando ze la idea che semo stati nati ntel pi bel posto del Brasil, semo nassesti ntel Rio Grande do Sul. E par noantri la stimana faropilia (Semana Farroupilha) ze la festa pi grande che se speta tuto l'ano.

Par quei che sa mia come che se festégia mi lo digo. Non ze che se sara le porte dei negòsii ma si se laora normalmente, magari tuti con le robe s-cete tìpiche del "gaúcho", fin quei che ga mia el costume i ghe fa stesso. Ma la festa la sucede dopo del laoro. Ze una stimana de filò tuti i di.

Se fa le casete coerte con tole e fóie de palme i ghe dise i rancieti (pequenos ranchos) dale volte tute fate intorno al CTG (centro de Tradission Gausse) o anca dale volte el sindaco dela cità sara una via spessìfica par far i rancieti e la festa.

Ga anca el impissamento dela fiama contadina (acendimento da Chama Crioula)

La festa la ze coletiva e anca particolare parché ga dale volte due o tre presentassion pùbliche ma anca ogni faméia se reune co'i amici e i ghe fa la so sena tra de lori ntela so caseta.

La cità cambia el color co riva sta stimana, la vita ciapa pi sapore e se sméntega dale volte i problemi.







Nenhum comentário:

Postar um comentário

Gostou?Comente aqui e se possível inscreva-se.