Pagine

Clique no Player abaixo para parar a Rádio / Struca par fermar la ràdio

Clique para informações / Struca par informasion

quinta-feira, 11 de fevereiro de 2021

Marina, Marina - Ademar Lizot

Ascolta la stória spunciando soto:


 

 

              Marina! Marina!

   


       In questi tempi de lontanansa sossial e pandemia, par cavarme fora dela malinconia,  scolto na bela cancion de otimismo e alegria, una cancion che me fà ricordar i bali e feste dela mia gioventù, quando a le volte balea con na biondina, a le volte co na morina. Una de quele cancione indesmentegàbile, la zera del ano 59 del sècolo passà, quando la ga  incantà al intiero pianeta e, daventà la predileta par balar. ‘Marina ze el so nome e Francesco D`Napoli el autor e, me manca l`é giuste parole par dir dei bei ricordi che la me fà pulsar ntele fontenele dela testa e, dela bona fortuna che tante volte la me ga portà. Ricordi de quel tempo in che el balo el zera un vero sucedimento, ale volte el zera ala domènega de sera, ma soratuto al sabo, alora vanti s-curir se scominsiea a viver quel momento màgico, se fea presto par netarse e  pareciarse co la mèio vestimenta e, posso dir sensa paura de sbàlio che se gavea  bongusto e elegansa, i tosi de fatiota de casimira inglesa, combinando co la gravata o, el fassoleto. Scarpe lustre e, i cavei lustri anca quei, carghi de brilantina.  L`é  tose con so vestì longhi ornati de merleti e abasso dei denòcii, tute bele, adoràbile e imponente compagno de so inossénsia, con elegansa e garbo l`é gavea la aparensa dei più bei fiori del giardin dela gioventù;  margarite, tulipe e rose de na bianchessa incantadora e, ntel transcorso del baile, quando se cavea fora una che la zera  pròpio del nostro gusto, alora zera na granda emossion e, con ela se balea tuta la note, l`éra come se fusse drio volar par ària e, dopo de due o trè altre cancione, tutiquanti i osamento se dizea:..’Maestro per carità fà sonar la ‘marina’, parché sono inamorato di questa ragaza carina!’ De sta manera nissun restea sentà, nò come d`ancoi che i và al balo solche par bever e,  far fiasco.

        Marina, tanti ani fà che te scolto mia carina!

        Marina tanti ani fà che so inamorato di Te.

Ademar Lizot.

Nenhum comentário:

Postar um comentário

Gostou?Comente aqui e se possível inscreva-se.