Bodeghero de sti ani - Ademar Lizot

 Clica qua, par scaricar el àudio.

Par ascoltar el scritor, clica soto:

Bodeghero de sti ani

   In questo rilato del sito Brasil Talian, ghe parlo dei bodegheri de sti ani, che i zera una gente  semplice stesso na scorsa de mandolin e autentichi come el odor del rosmarin.  Nte quei passadi ani, el bodeghero el zera squase sempre  un omo de mesa età, in che la insipiente calvisse che ghe assea scoperto il centro dela testa, e la saliente panseta ghe fea slongar le braghe ntela sintura.  Co`l lapis postà su la récia drita e la quaderneta ntel scarselin dela camisa, dadrio del balcon el servia a tutiquanti sensa gnancauna distinssion, parché de gentilesa e ciàcola el zera  bon.  Anca forte e coraioso el zera, e sempre co`l  capimento de mai bever insieme dela clientela, parché  se anca la passiensa non l`é mia un'erba che la nasse tuti giorni,  ghe tochea de esser calmo e pacìfico, par scoltar i beveroni de caciassa, che tra una sboconada e altra i racontea sora i guai che i gaveva adosso.  I bevea  in serca de una consolassion par la soferensa dela so vita, par smentegar la ricorente misèria e le barufe in fameia, in soma par non morir de ràbia o malinconia.  Alora ghe tochea saver analisar quela ànima, darghe una parola de conforto, un  consilio.  Cossì che zera el suo afar, servir i bevidori de tuti tipi, quei che i beve tanto e non i se inciuca mia fàssile e anca quei che con un s-ciantin de caciassa, se anca in zo, stesso la coa del mul, i daventa violenti, alora toca al bodeghero tegnerli e pararli fora dela stansa.

  Ntei giorni de piova zera grando el movimento, parché i contadini non i podea mia laorar, e quel zera el pretesto par far na visita a la bodega, ndove i podea giugar carte e magnar bolasse con sardele e ovi coti, consiadi nel sal e aseo,  sempre compagnadi de vin e caciassa. La bodega diventea un vero clube sossial, par  i amici trovar e anca par contrati firmar, compra e venda de bèstie, vache, mui e cavai, e quando capitea qualche foresto, zera una bona ocasione par saver noticie de altri paesei e del mondo.

  I contadini che i zera de star pi distante, i vegnea montadi a caval.  Al rivar i lighea la bèstia nel palanco davanti dela bodega, ndove i stea  par ore e ore ligadi, a le volte  sensa àqua e sensa pasto, ma anca gaveva de quei che serchea de acomodarli ntela stala, con fen, mìlio e àqua, pronti par menar el suo paron meso ciuco a casa, ndove i gaveva la dona a brontolar.

Bodegueiro do tempo antigo

           

   Neste relato de nosso Brasil-Talian lhes conto dos bodegueiros do tempo antigo, que eram uma gente simples igual casca do amendoim e autênticos igual aroma de alecrim. Naqueles tempos o bodegueiro era quase sempre um homem de meia idade, em que a insipiente careca lhe deixava descoberto o centro da testa e a saliente barriga o fazia alongar as calças na cintura. Com o lápis descansando na orelha direita e no bolsinho da camisa uma caderneta, atrás do balcão servia a todos sem distinção, pois de gentileza e prosa era bom. Também intenso e corajoso, possuidor da necessária força de vontade para jamais beber junto a clientela, e apesar da paciência não ser uma erva que nasce todo dia, devia ser calmo e pacífico para escutar o freguês, que entre um gole e outro, sentia a necessidade de falar de seus traumas e desenganos, pois bebia na esperança de uma consolação ás tristezas da vida, para esquecer a recorrente miséria e os litígios em família, em soma para não morrer de raiva e melancolia. Então cabia ao bodegueiro ouvi-lo, saber analisar aquela alma, dar-lhe uma palavra de conforto, um conselho, verdadeiros tesouros. Assim era seu serviço, atender bebedores de todo tipo, aqueles que muito bebem, mas não se embriagam, e aqueles que com algumas dozes, embora pra baixo igual o rabo do cavalo ficam violentos,  então cabia ao bodegueiro segurá-lo ou até mesmo expulsá-lo.

  Os dias chuvosos eram os de maior movimento, pois os colonos não podiam trabalhar, e este era um forte pretexto para fazer uma visita a bodega, onde podiam jogar baralho e comer bolachas com sardinhas e ovos cozidos, temperados a sal, pimenta e vinagre, tudo bem acompanhado de vinho ou cachaça. Lá encontravam os amigos e a bodega se tornava um verdadeiro clube social, onde podiam firmar contratos de compra e venda de animais, vacas, mulas e cavalos e quando chegava algum forasteiro, era ótima oportunidade para saber notícias de outra localidades e do País.

  Os colonos que moravam mais distante, vinham montados em mula e cavalo. Ao chegar os atavam no palanque em frente a bodega, onde permaneciam muitas vezes por horas e horas, sem água e sem pasto. Mas tinha também os que os deixavam no estábulo bem acomodados, com feno, milho e água, prontos para levar seus patrões meio embriagados para casa, para ouvirem as justas reprimendas das esposas.