El Presèpio - Ademar Lizot

Clica qua, par scaricar la stòria.

Par ascoltar la stòria, clica soto:

 

                             

EL PRESÈPIO

Ntela me infànsia, el presèpio dela me casa el zera solche un ramo de pin ornà con quatro, sìnque balete de viero brilante e Gesù, Giusepe e Maria e tuti i altri personàgii i zera fati de tessuto e scartosse de mìlio.

Dir che davanti de quel ùmile presèpio el me cuor el restea caldo e contento ze poco, e me domando se i putei, dei di de ancoi anca lori i ze boni de emossionarse cossì tanto davanti de un rùstego presèpio, al punto de sentir ciapar vita ai personàgii, le done col fassoleto in testa, i òmeni col sacheto de farina adosso e i pastori a ritornar dele montagne coi piegorini in spala, tuti a caminar verso ndove Maria e Giusepe i mostrea ai tre foresti, i Re Magi del oriente, el bambin Gesù butà zo, ben postà ntela grìpia, anca Lu pien de vita, de ocieti verti e manine e brasseti verti anca quei, me parea fin che el ridea, pròpio una dolcessa infinita.

Mi, ormai, vivo dei ricordi che i me porta, ai presiosi momenti dela me infànsia, quando el Bambin Gesù el zera el personàgio assoluto de un Natal fondamentà ntela inossensa dei me sentimenti e ntela profonda credensa religiosa che se gavea e nò ntel consumismo sensa limiti dei di de ancoi, che fà del Pupà Noel, el personàgio prinsipal e nò el Bambin Gesù, che squasi no se sente pi parlar, un vero testimònio che qualche cosa ga cambià, che qualche cosa ga sustituio tanti bei e auténtichi pensieri, che i portea la emossion pi pura e ìntima del`ànima.

Ma pol esser che sia sbalià de dir che el vero Natal ze quel dela me infànsia, quando la me ànima de tosatel no la savea gnente dele desgràssie del mondo, parché se anca passadi due mila ani, el ze ancora stesso de quando Maria e Giusepe i domandea pietà, ma nissuni i li acetea. Ndove i batea, le porte le se serea.

Nissuna pietà par el Re del Ciel i ga bio, solche una stala verta i ga catà e là ze nassesto el Redentor, sensa caldo, sensa querte, sol el Lo scaldea el fià del bo e del musso, pòvere bèstie, ma de ànima pi lìmpida e pura che quela dei òmeni, che se anca passadi tuti questi sècoli, no i ze mia boni de fermarse cole guere, gnanca netarse de tanto sàngue, de tanto òdio stampà ntela fàcia, ma stesso posso dir, sensa paura de sbaliar, che ntela note de Natal, quando la Stela del`Alba ntel ciel la sponta e la luna la se stornisse col suo stragrando splendor. El Natal el ze un momento che el ga ancora qualche cosa de màgico, de santo, che fà sufiar una arieta piena de boni e profondi sentimenti, una arieta de serenità, che fà respirar teneressa anca a quei cola scorsa pi dura, a quei cativi, aroganti, a tuti quei che, al vardarse ntel spècio de questo mondo, gnanca par lori la so fàcia la ze bela e, fursi, nte quel momento i ze boni de capir che ghe vol pace in tera ai òmeni de bona volontà.

O PRESÉPIO

No meu tempo de infância, o presépio em minha casa era só um galho de pinheiro, enfeitado com 4 ou 5 bolinhas de vidro brilhantes e Jesus, José e Maria e todos os outros personagens eram feitos de pano e palha de milho.

Mas dizer que em frete àquele humilde presépio meu coração ficava quente e contente é pouco, e me pergunto se as crianças de agora conseguem emocionar-se tanto assim ao ponto de sentir ganhar vida os personagens do presépio, as mulheres de lencinho na cabeça, os homens com um saquinho de farinha nas costas e os pastores com suas ovelhinhas a caminhar das montanhas em direção a José e Maria, a mostrar aos três reis magos o menino Jesus na manjedoura deitado, Ele também cheio de vida, com as mãozinhas e bracinhos abertos, sorrindo, uma doçura infinita.

Eu agora vivo recordando preciosos momentos que vivi na infância, quando o Menino Jesus era o personagem principal de um Natal baseado na inocência de meus bons sentimentos e na fé religiosa que tinha, e não no consumismo sem limites de agora, que faz do Papai Noel o personagem absoluto e não o Menino Jesus, que agora quase não se escuta mais falar, confirmando que alguma coisa mudou, talvez devido à modernidade, que veio substituir tantos bons e autênticos pensamentos.

Mas pode ser que eu esteja enganado de achar que o verdadeiro Natal é o de minha infância, quando minha alma de criança não sabia nada das agruras do mundo, que embora passados dois mil anos continua igual quando Maria e José pediam piedade e ninguém os acolhia, onde batiam, as portas se fechavam, ao rei do céu qualquer piedade negaram, só um estábulo aberto acharam e lá nasceu o Redentor, sem panos e sem calor, só o aqueceu a respiração do boi e do burrico, pobres animais, mas alma mais límpida e pura que a dos homens, que ao longo dos séculos não conseguem libertar-se das guerras, limpar-se de tanto sangue, de tanto ódio estampado no rosto, mas ainda assim digo sem medo de errar que, na noite de Natal, quando a estrela d´alva no céu desponta e a lua até parece que se afasta devido ao grande esplendor.

O Natal é um momento que ainda tem qualquer coisa de mágico, de santo, que faz soprar uma brisa plena de bons e profundos sentimentos, é uma serena brisa que faz respirar ternura até aos de casca mais dura, aos violentos e arrogantes, àqueles que ao mirarem-se no espelho do mundo, o seu viso não é belo nem para eles e, talvez, naquele momento entendam que é preciso paz na terra para os homens de boa vontade.

Testo: Ademar Lizot

Revision: Loremi Loregian Penkal e Juvenal dal Castel

Publicassion: Jaciano Eccher