Lino Fighera - Ademar Lizot

sexta-feira, 24 de março de 2023

Clica qua par scaricar el àudio.

Par ascoltar clica soto:


                             

                                                                                                                                                                                                                                                                                                         Lino Fighera


   Fondamentà ntele stòrie che  dela boca dei vècii go scoltà, ghe raconto de un imigrante de sàngue Véneto ntele vene,  che  ntel fine de 800 el  ga partì dela località de Colònia Isabel,  con destin a la region del Alto Taquari, visin ai Campi de Soledade,  che in quela època, zera abitata par i bùlgari Kaigang.  Lino Ventura zera el so nome, e quando el ga rivà al punto ndove di d`ancoi ze la cità de Arvorezinha, el ga visto par sora de una colina, una imponente fighera, che servia de rifùsio e abrigo a una  tribo de quei selvìcola, che con afetuosa curiosità i lo ga ricevesto, e  presto i ga alsà sù na forte amicìssia. Par un tempo el ga vivesto insieme a lori,  a punto de esser considerà dela pròpia tribo. Ntel scomiìnsio dela primavera i selvìcola, un pòvolo nòmade, i ga partì in serca de cassa  e  fruti, ma Lino ga permanessesto ntela località, e quando vanti   del inverno i ga ritornà, el ga acoiesto quela brava gente e lori par ringrassiar so bontà e generosità, i lo ga regalà co un sass de ametista.  Lino, pien de contentamento ga ringrassià a tuti e domandà ndove che i gaveva catà fora quela belessa. Alora i ga rispondesto che se el volesse i lo menea insieme ndove gaveva altre tante, e che el podea torse sù la quantità che el zera bon de  portar.

  Dopo de una stimana, acompagnà del cassique dela tribo, el ga parti. Al rivar a la cava dei sassi, el ga ciapà tuti quei  che el podea portar via... Smeralde, rubini e ametiste.  Felice el ga ritornà, a Colònia Isabel, di d`ancoi cità de Bento Gonçalves, sensa saver che le stà el primo cristian a trovar i pressiosi sassi dela region de Soledade,  considerata la capital nassional dei sassi pressiosi.

  Con la véndita dei sassi el ga ciapà una bona misura de soldi, parché ntel scominsio del 900 el ga ritornà con atresi, mui, cavai e el tìtolo de proprietà de un tocon de tera. Cossì el ga daventà el primo abitante cristian de quela selvàdeghe region. Dopo el se ga amasià con una bela Kaigang e cambià el nome par Lino Fighera.  In poco tempo ga scominsià a rivar coloni  de Caxias, Bento e Alfredo Chaves, i gaveva i soranomi Ferri, Fornari,Paludo, Pitol Gabiati, Lisot e altri tanti, che ntel 22, visina a la maestosa piantona, i ga alsà sù una cieseta, e cossì la località de ga daventà distrito dela cità de Encantado, co`l nome de Fighera Alta.

Ademar Lizot.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                        

                          

Nenhum comentário:

Postar um comentário

Gostou?Comente aqui e se possível inscreva-se.

Topo