Pagine

Clique para entrar

terça-feira, 8 de novembro de 2016

Le stòrie dei nostri noni. La anguana!

A una centinàia de ani indrìo, un toso tornando dea pesca, num sabo sera, ga trovà una bela tosa con ei cavéi lunghi e bèi, lori scomìnsia ciacolar e sùito ei se ga inamorà. El toso inpassionà domanda a ela de vegner catarla nantra volta e ela la ghe dise che lu el podesse vegner li in quela lìssia ogni sabo se el volesse, ma mai vegner in altri di.

Cossì el ga fato per un per de mesi, sempre al sabo el ndéa catarla per smorosarla,ma el tempo passa e lu sempre piu inpassionà, un vendre lu zera casa drio pensar nela so morosa quando vien una vóia granda de véderla, el ciapa el caval e va pela strada ma quando riva ntéa lìssia che zera da star la so amata lu vede meza dona, meza bissa, del fianco in su zera la so morosa, ma del fianco in zo zera la piu bruta bissa che l’gavesse visto.

Lu ghe da un salto par de drio spaventà con quelo che el vedéa ma non credéa veder, e quando el ndéa scampar via de paura la ghe ciama e ghe raconta la stòria, la dise che la zera una Anguana de doménega a vendre e nel sabo la diventéa una dona bela, perquel che la voléa che lu ndesse catarla solche in quel di, ma la ghe giunta ancora, se qualchedun sposarme divento dona bela per sempre.
El toso parla con la so faméia e raconta cosa gavéa sucesso, nissun voléa che lu se sposesse con quela “befana” come ei diséa, ma lu pensa, e in scondion dei soi el desside sposarla. De quel di in vanti la ze diventada una bela dona de cavéi lunghi, ei ga biu tre bei fiói, anca la faméia de lu ga dimandà mila scuse, e tuti se ga fin desmentegà che un giorno lontan quela bela gióvane zera la Anguana.

Obs: “Anguane” ze done che apare ai pescatori e le lavandàie. La stòria ga le due bande, una dise che le Anguane sono befane brute con pie de càura o cóa de bissa. La nantra banda dela stòria dise che la Anguana ze una dona bela che incantéa ei pescatori che li vardesse, a la sera le diventéa anca lavandàie e ndéa lavar robe nele so lìssie, ma quando scominsiéa el di lore sparìvano.

Postagem: Jaciano Eccher/imagem da internet.

Nenhum comentário:

Postar um comentário

Gostou?Comente aqui e se possível inscreva-se.