Mio Paese - Per Ademar Lizot

terça-feira, 14 de março de 2017

Altro giorno go parla co un amico mio. Me piase parlar con questo cristian, parvia che`l parla in talian stesso a me e noantri due quando scomìnsiemo a parlar ntel nostro idioma materno, parlemo sempre co la vose forte, la testa in sú e í óci pieni de orgóglio de parlar el idioma co la piú bela sonorità del mondo.

Alora el me gà parla che insieme co so sposa, a pochi giorni í gà ritornà d´Itàlia de viaio a vacanse e par trovar í parenti. Co í óci de felissità el ga dito che l´Itália la ze un paese belo, pien de monumenti e tradission amiràbile. Roma, la Toscana e la província de Belluno, paese che í nostri noni ga nassesto. El me gà parla con gusto dele cose bele che´l gà visto, magari vanti che´l andesse via, dopo bever nantra sboconada de vin, el me ga varda con óci de malinconia e dopo de sbassàr la vose, el gá dito: “-Bisogna che te sépie, che quando zera la in Itália me go sentisto un pòvero disgrassià, parche quando son quà in Brasile, mio cour se ricognósse Talian, tutavia la in Itália, mio cuor sbatea forte par esser Brasilian. Cossi come far par vívere soto due bandiere, due Paese? Go perso la mia identità? Se gò due bandiere, due paese, òstrega, no ghe nó gnancaun.

In quel s-ciantin, no go dito niente e go inténdesto so sentimento, parché no ze mia de maraveiarse nò, queste robe le pol suceder a qualchedun. Questa dùbia de identità la ze insieme de tanti altri descendenti dei imigranti, soratuto quei che nó í ga nassesto ntel Rio Grande del Sul, che í ze de altri stati del Brasile. Quei che gà nassesto quà ntel Rio Grande, nó í gà gnancauna dùbia de identità, parvia che í ze stati própio fortunati de nàsser in questo Paese co´una tradission forte e una stória de coraio e braura, che noantri fioi dei imigranti Taliani, la gavemo rento de cour. El simaron, el sorasco, la indumentária, la bombacha, el fassoleto rosso o bianco, ricognósse la nostra prossedensa, quà dea provìnsia de San Piero Patrono de nostro Paese. El Rio Grande del Sul, l`é un paese rento de altro paese e la so stória de coraio, braura e dignità, la parlemo con orgòglio. Mi ghe sicuro che nò go mea gnancauna relutansa de identità, go nassesto in tera brasiliana, ma el mio Paese l`é el Rio Grande. Rento d`anima, go í insegnamenti, el esémpio dei nostri noni e bisnoni, el so caráter pien de bontà, laoro e religiosità e rento del cour, el coraio, la braura e onore dei “Gaùssi- Riograndense”. Questa identità che gavemo co la stória e costumi de questo paese, la gà scomìnsia ani vanti de í nostri noni e bisnoni rivar quà ntea Mérica par infrontar la natura e le béstie de ferossità. La gà scomìnsia quando í bravi “Gaùssi-Riograndense”, í gà infrontà el Império del Brasile, ntea guera dei “Farrapi”, la piú longa guera dea Mérica del sul. Alora gà vignesto de Itália el representante dea nostra gente Taliana, el bravissímo Giuseppe Garibaldi, esémpio de coraio, onore e dignità, che insieme de Luigi Rossetti, Carniglia e tanti altri fioi dea gióvene Itália, í gà fato la guera insieme co í “Gaùssi-Riograndense”. El Gen. Bento Gonçalves, Gen. Netto. Gen. David Canabarro e ì lansieri negri de Teixeira Nunes, ì gladiadori del Rio Grande, sempre avanti dea trupa, spaventado í soldati del Império. Nostri bravi Taliani, Dopo de questa testimoniansa de coraio sangue e onore, í se gà tornato fradei dei Gaùssi-Riograndense par sempre e anca í gà scrito so nome con sángue ntea stória dea nostra Pàtria Gaùssa.

Cossi quando í me domanda cosa ze L`Itália par me, sempre ghe digo che el paese dei nostri noni, par me, la ze compagno de na zia, che voglio ben, che la ze bela, caríssima e che bisognaria ndar trovarla tuti ani.

Ademar R. Lizot

Nenhum comentário:

Postar um comentário

Gostou?Comente aqui e se possível inscreva-se.

Topo